Goa Municipality: येत्या दहा दिवसांत बदलणार म्हापसा नगराध्यक्ष अन् उपनगराध्यक्ष!

Goa Municipality: मुख्यमंत्र्यांसह भाजपा प्रदेशाध्यक्षांना विश्वासात घेतले जाणार आहे.
Mapusa Municipality
Mapusa MunicipalityDainik Gomantak

Goa Municipality: म्हापसात येत्या दहा दिवसांत नगराध्यक्षासह उपनगराध्यक्ष फेरबदलचा निर्णय घेतला जाणार आहे. यासाठी मुख्यमंत्र्यांसह भाजपा प्रदेशाध्यक्षांना विश्वासात घेतले जाणार आहे, असे स्पष्टीकरण उपसभापती तथा आमदार जोशुआ डिसोझा (Joshua Dsouza) यांनी दिले. म्हापसा येथे हनुमान नाट्यगृहात आयोजित पंतप्रधान नरेंद्र मोदींच्या जीवनावर आधारित प्रदर्शनास त्यांनी शुक्रवारी भेट दिली. यावेळी ते माध्यमांशी बोलत होते.

डिसोझा म्हणाले, नगराध्यक्ष व उपनगराध्यक्षांचा वर्षभराचा कार्यकाळ यापूर्वी संपुष्टात आला होता. मात्र, मध्यंतरी केंद्र भाजपा सरकारच्या आठ वर्षांच्या सेलेब्रेशननिमित्त कार्यक्रम, विधानसभा तसेच पंचायत निवडणूक आणि नंतर गणेश चतुर्थी आली. त्यामुळे हा बदलाचा कार्यक्रम राहिला. मात्र, आता मुख्यमंत्री तसेच प्रदेशाध्यक्षांना विश्वासात घेत हे फेरबदल केले जातील, अशी माहिती त्यांनी दिली.

Mapusa Municipality
Goa: दाबोळी विमानतळ अबाधित राहणार! खासदार फ्रान्सिस सार्दिनांचा खुलासा

* काँग्रेसच्या आठ आमदारांनी भाजपा प्रवेश केला आहे, यासंदर्भात विचारले असता उपसभापती म्हणाले, ही घडामोडी आश्चर्याची नव्हती. या प्रवेशामुळे भाजपची ताकद आणखी वाढली असून हा पक्षाचा निर्णय आहे.

* आमदार मायकल लोबोंवर भाष्य करताना ते म्हणाले, मी पक्षाचा निष्ठावान कार्यकर्ता आहे. तर यापूर्वी लोबो हे भाजपात होते. मात्र आपल्या वैयक्तिक कारणांसाठी त्यांनी पक्ष सोडला. परंतु, आपली चूक लक्षात येताच, ते पुन्हा भाजपात आले. आम्ही त्यांचे स्वागत करतो.

Mapusa Municipality
Digambar Kamat : दिगंबरांचे कार्यकर्त्यांशी मनोमिलन; मात्र बैठकीबाहेर असताना 40 मिनिटांत काय झालं?

जोशुआ डिसोझा, उपसभापती-

चतुर्थीपूर्वी नवीन पालिका मुख्याधिकाऱ्यांनी पदभार स्वीकारला असून नगरसेवकांकडून त्यांच्या कामाची प्रशंसा होत आहे. येत्या काही दिवसांत मी नगरसेवक तसेच पालिका प्रशासनांची संयुक्त बैठक घेऊन कामाचा आढावा घेणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com