'अनधिकृत बांधकाम 15 दिवसात तोडून टाका'

म्हापसा नगरपालिकेचे मुख्याधिकारी सिताराम सावळ यांचे गोवा बागायतदार संस्थेला आदेश
'अनधिकृत बांधकाम 15 दिवसात तोडून टाका'
Illegal Construction in MapusaDainik Gomantak

म्हापसा : म्हापशातील धुळेर, शेट्येवाडोयेथील राज रौनक या इमारतीच्या तळ मजल्यावर असलेले गोवा बागायतदार बाजार या आस्थापनाचे बेकायदा आणि अनधिकृत बांधकाम पंधरा दिवसाच्या आत हटवावे अथवा तोडून टाकावे असा आदेश म्हापसा नगरपालिकेचे मुख्याधिकारी सिताराम सावळ यांनी दिला आहे. तक्रारदार सिद्धी नाईक यांनी म्हापसा येथे घेतलेल्या पत्रकार परिषदेत ही माहिती दिली आहे.

Illegal Construction in Mapusa
गोव्यात सागर मित्र भरतीसाठी कोकणी सक्तीची करा : विजय सरदेसाई

प्राथमिक माहितीनुसार धुळेर म्हापसा येथील राज रौनक ही इमारत राजमी राजेश नार्वेकर यांच्या मालकीची असून त्यांनी या इमारतीच्या तळ मजल्यावर बेकायदा उपमाजला बांधला, तसेच इमारतीच्या चारही बाजूला कोणतेही सेटबॅक न सोडता तेथे लोखंडी खांब व पत्रे घालून बांधकाम करण्यात आले आहे. तसेच बेकायदेशीर बांधकाम गोवा बागायतदार बाजार या नामांकित संस्थेस भाडेतत्वावर दिले गेले आहे. इमारतीच्या आत पार्किंगची सोय नसल्याने येणारे ग्राहक रस्त्यावर पार्किंग करतात. या गोष्टी निदर्शनास आल्यानंतर माहिती अधिकार कार्यकर्ते जवाहरलाल शेट्ये आणि सिद्धी नाईक यांनी 7 ऑक्टोबर 2019 रोजी म्हापसा नगरपालिकेकडे या बेकायदेशीर बांधकामबद्दल तक्रार दिली होती.

Illegal Construction in Mapusa
उद्योगांना फक्त दीड महिन्यांत देणार चालणार

तक्रारीची दखल घेत म्हापसा नगरपालिकेचे मुख्याधिकारी सिताराम सावळ यांनी सदर बांधकाम गोवा नगरपालिका कायदा 1968 च्या 184(8) कलमानुसार बेकायदेशीर ठरवून बांधकामकर्त्यांनी सदर बेकायदा बांधकाम हा आदेश दिल्यापासून पंधरा दिवसांच्या आत हटवावे किंवा तोडून टाकण्याचे आदेश दिले आहेत. तसे न केल्यास म्हापसा नगरपालिकेला बांधकाम हटवावे लागेल आणि येणारा खर्च वसूल केला जाईल असेही दिलेल्या आदेशात म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.