Mapusa News: करासवाडा-म्हापसा येथे बेकायदेशीरपणे कार्यरत असलेला भंगारअड्डा येत्या 15 दिवसांत हटविण्यासंदर्भात म्हापसा पालिकेने संबंधित भंगारअड्ड्याच्या चालकास अंतिम नोटीस बजावली आहे. संबंधिताने या काळात सदर भंगारअड्डा न हटविल्यास पालिकेकडून कारवाई केली जाईल.
आणि याचा सर्व खर्च हा भंगारअड्ड्याच्या चालकाकडून वसूल केला जाईल. सदर बांधकाम हे करासवाडा येथील पीटी शीट क्रमांक 7 आणि चालता क्रमांक 13 मध्ये आहे.
हा बेकायदा भंगारअड्डा मोहम्मद हबीब यांच्या नावाने असून आरजीचे आमदार विरेश बोरकर यांनी या भंगारअड्ड्या विरोधात म्हापसा पालिकेकडे ऑक्टोबर 2022 मध्ये लेखी तक्रार केली होती.
याप्रकरणी पालिकेचे मुख्याधिकारी अमितेश शिरवईकर यांच्यासमोर सुनावणी चालू होती. त्यानुसार जवळपास 12 सुनावणीनंतर मुख्याधिकाऱ्यांनी सदर बेकायदेशीर भंगारअड्डा येत्या 15 दिवसांत हटविण्यास सांगितले आहे.
या काळात संबंधिताने तो स्वतःहून न हटविल्यास पालिकेकडून कारवाई केली जाईल आणि याचा खर्च भंगारअड्ड्याच्या चालकाकडून वसूल केला जाणार आहे.
बेकायदा गोष्टी खपवून घेणार नाही
यासंदर्भात आरजीचे अध्यक्ष मनोज परब यांनी प्रतिक्रिया देताना सांगितले की, आमदार विरेश बोरकर यांनी याविषयी तक्रार दिली होती. पालिकेकडे वारंवार पाठपुरावा केल्यानंतर मुख्याधिकाऱ्यांनी हा बेकायदेशीर भंगारअड्डा हटविण्यास सांगितले आहे.
मुळात पालिका तसेच स्थानिक लोकप्रतिनिधींनी आपल्या शहरातील बेकायदा गोष्टींवर नजर ठेऊन त्यावर कारवाई करण्याची गरज असते. परंतु शहरात तसे होताना दिसत नाही. मात्र आरजीचे कार्यकर्ते अशाप्रकारच्या बेकायदा गोष्टी खपवून घेणार नाही, असेही ते म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
