Goa Farmer: बार्देशमध्ये शेतकऱ्यांकडून कंपनीची स्थापना

Goa Farmer: दहा शेतकरी एकत्र : अध्यक्षपदी सुदेश मयेकरांची निवड
Sudesh Mayenkar | Goa News
Sudesh Mayenkar | Goa NewsDainik Gomantak

Goa Farmer: बार्देश तालुक्यातील शेतकऱ्यांना सरकारच्या विविध योजनांचा थेट लाभ उपलब्ध व्हावा. त्यांनी घेतलेल्या पिकाचा थेट लाभ व्हावा. यासाठी 10 शेतकऱ्यांनी एकत्र येऊन स्वतःची अशी बार्देश तालुका शेतकरी उत्पादक कंपनी स्थापन केली आहे. या कंपनीच्या अध्यक्षपदी कळंगुट पंचायतीचे माजी उपसरपंच तसेच सक्रिय शेतकरी सुदेश मयेकर यांची नियुक्ती केली आहे.

या माध्यमातून शेतीसाठी शेतकऱ्यांना आवश्यक अवजारे, बियाणे, खते, कर्ज , विमा, सामूहिक शेती मालाला बाजारपेठ उपलब्ध करून देण्याच्या हेतूने या कंपनीची स्थापना केल्याची माहिती सुदेश मयेकर यांनी दिली.

शेतीबरोबर इतर उद्योग आणि समूह शेती करण्याचे फायदे या माध्यमातून शेतकऱ्यास ही कंपनी प्रेरणादायी तसेच लाभदायी ठरणार आहे. प्रक्रिया उद्योगातून सभासदांना रोजगार उपलब्ध होऊ शकतो. आधुनिक शेती तंत्रज्ञान, आर्थिक नियोजनासह शेतीसंबंधी प्रशिक्षण दिले जाऊ शकते. संस्थेच्या नफ्यातून सभासदांना लाभांश सुद्धा दिला जाऊ शकतो. तसेच इतर विविध योजनांचा थेट लाभ शेतकऱ्यांना दिला जाऊ शकतो.

शेतकरी उत्पादक कंपनी हा केंद्र सरकारचा उपक्रम असल्याचे मयेकर म्हणाले. बार्देश तालुक्यात 10 शेतकऱ्यांनी एकत्रित येऊन शेतकऱ्यांना लाभ मिळवून देण्यासाठी या कंपनीची स्थापना करण्यात आली आहे. कंपनीत फक्त शेतकरी भागधारक होऊ शकतो आणि तो लाभ घेऊ शकतो. केंद्र सरकाराकडून 3 वर्षे सहकार्य मिळेल तर उत्पादन कंपनीची स्थापना करण्यासाठी नाबार्डकडून व्याज मुक्त कर्ज सुद्धा दिले जाते.

Sudesh Mayenkar | Goa News
Goa News: 57 लाखांचे वीजबिल अखेर 568 रुपयांवर स्‍थिरावले

एक हजार सभासदांची नोंदणी होणार

सध्या राज्यात अनेक शेती पडीक ठेवण्यात आली आहेत. या शेतीत पुन्हा लागवड व्हावी, हा सुद्धा एक हेतू आहे. शेतकरी लागवडीसाठी तयार नसल्यास कंपनीमार्फत शेतात लागवड केली जाऊ शकते. कंपनी स्थापनेची प्रक्रिया पूर्ण झाली असून सुमारे 1 हजार शेतकऱ्यांची भागदारक म्हणून नोंद करण्याचा कंपनी प्रयत्नात राहणार असल्याचे अध्यक्ष मयेकर यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com