Margao Municipality: माझ्यावर अविश्वास ठराव का आणणार ? ते मडगावकरांना त्यांनी सांगावे

घनःश्याम शिरोडकर: नगरसेवकांच्या हाती नारळ ठेवून शपथ देणे चुकीचे
 Ghanshyam Shirodkar
Ghanshyam ShirodkarDainik Gomantak

मडगाव: मडगाव नगरपालिका नगराध्यक्षपदी नुकतीच निवड झालेले घनःश्याम शिरोडकर यांच्या विरोधात सोमवारी भाजपचे 15 नगरसेवक अविश्वास ठराव आणू पहात असल्याच्या पार्श्वभूमीवर आपली प्रतिक्रिया दिली आहे. शिरोडकर म्हणाले की, आपल्या विरोधात जर अविश्वास प्रस्ताव आणणार असल्याची चर्चा आहे. तर तो कोणत्या कारणासाठी आणला जाणार आहे हे मडगावकरांना त्यांनी सांगावे लागेल अशी प्रतिक्रीया शिरोडकर यांनी दिली आहे.

(Margao Municipality Mayor Ghanshyam Shirodkar face goa BJP to no-confidence motion against)

 Ghanshyam Shirodkar
Goa Accident: करमल घाटात अपघातांची मालिका सुरुच, रस्ता रुंदीकरणाची आवश्‍यकता!

नगराध्यक्ष पदाचा ताबा घेतल्यानंतर त्यांनी आज दुसऱ्याच दिवशी सोनसोडो प्रकल्पाला भेट देऊन पाहणी केली. त्यावेळी पत्रकारांनी त्यांना अविश्वास प्रस्तावासंदर्भात विचारले असता, माझ्याही कानावर ती गोष्ट आली आहे. पण हा प्रस्ताव कोणत्या कारणासाठी हे त्यांना स्पष्ट करावे लागेल. मी जर माझ्या कामात अयशस्वी ठरलो असतो तर गोष्ट वेगळी असती. येथे तर मी अजून कामही सुरू केलेले नाही. तरीही अविश्वास प्रस्ताव आणणार ? असा सवाल त्यांनी केला.

 Ghanshyam Shirodkar
Hyderabad Police: Drugs प्रकरणी हैदराबाद पोलिस पथक लवकरच गोव्यात

मी या पदावर काही गौडबंगाल करून जिंकून आलेलो नाही. 15 नगरसेवकांनी मला मतदान करून निवडून आणले आहे. नगरपालिका राजकारणात पक्षीय राजकारणाला थारा नाही. माझ्या कामावर नगरसेवकांचा विश्वास आहे. म्हणून त्यांनी मला निवडून दिले आहे.

मडगावच्या नागरिकांच्याही माझ्याकडून अपेक्षा आहेत असे ते म्हणाले. मला मतदान केलेल्या नगरसेवकांना मंदिरात नेऊन त्यांना नारळावर हात ठेऊन शपथ घ्यायला लावणे हे चुकीचे आहे. शेवटी देव माझ्या बरोबरच राहील असा विश्वास त्यांनी व्यक्त केला.

सोनसोडो 100 दिवसात स्वच्छ करू

सोनसोडो समस्या जागेवर घालणे हेच माझे उद्दिष्ट असून मला 100 दिवस द्या. ही समस्या पूर्णपणे सोडविण्यासाठी मी प्रयत्न करेन असे आश्वासन देतो असे ते म्हणाले. सोनसोडोवरील कामाला गती यावी यासाठी दररोज सायंकाळी आपण या जागी उपस्थित राहणार असे सांगून इतर नगरसेवकांनीही ही समस्या सोडविण्यासाठी वेळ द्यावा असे त्यांनी आवाहन केले. ही समस्या सोडविणे ही माझी एकट्याची जबाबदारी नाही ती सर्वांची असून त्यासाठी सर्वांचे सहकार्य आपल्याला हवे असे ते म्हणाले.

विजय सरदेसाई यांनी यासाठी आपले पूर्ण सहकार्य देण्याची तयारी दाखविली आहे. असे त्यांनी सांगितले. सोनसोडो समस्या जागेवर पडल्यानंतर आपण मडगाव शहरातील सुधारणांना हात घालू. त्यासाठी आमदारांनीही मला सहकार्य करावे अशी मागणी त्यांनी केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com