मुरगाव नगरपालिका प्रशासनाचे नूतन मार्केटमध्ये तात्पुरते होणार स्थलांतर

मात्र इमारतीत मुरगाव नगरपालिकेचे (Margao Municipality) संपूर्ण प्रशासन असून यात मुख्याधिकारी, नगराध्यक्ष, लेखा अधिकारी, पालिका निरीक्षक, अभियंता, घरपट्टी कार्यालय आहे.
मुरगाव नगरपालिका प्रशासनाचे नूतन मार्केटमध्ये  तात्पुरते होणार स्थलांतर
Margao MunicipalityDainik Gomantak

मुरगाव नगरपालिका (Murgaon Municipality) इमारतीच्या नूतनीकरणाचे काम पालिकेचे प्रशासकीय कार्यालये खुली असल्याने नूतनीकरणाच्या कामाला अडथळा निर्माण होत असल्याने संपूर्ण मुरगाव नगरपालिकेच्या प्रशासनाचे स्थलांतर मुरगाव सडा येथील राज्य नगरविकास संस्थाच्या नूतन मार्केटमध्ये तात्पुरते स्थलांतर चतुर्थी नंतर करण्यात येईल.

राज्य नगरविकास विभागाच्या (State Urban Development Department) राज्य नगर विकास संस्था (सुडा) मार्फत वास्को येथील अ दर्जाची मुरगाव नगरपालिकेचे नूतनीकरणाचे काम गेले दीड वर्षापासून सुरु आहे. मात्र इमारतीत मुरगाव नगरपालिकेचे संपूर्ण प्रशासन असून यात मुख्याधिकारी, नगराध्यक्ष, लेखा अधिकारी, पालिका निरीक्षक, अभियंता, घरपट्टी कार्यालय आहे. यामुळे सूडाच्या कंत्राटदाराला पाहिजे त्याप्रमाणे इमारतीचे काम करण्यास मोकळीक मिळत नाही.

Margao Municipality
Goa: मुरगाव नगरपालिका क्षेत्रात दूषित पाण्याचे साम्राज्य !

तसेच पालिकेच्या इमारतीत महसूल विभागाची उपजिल्हाधिकारी, मामलेदार कार्यालय, नागरी पुरवठा कार्यालय असल्याने याचा सुद्धा इमारतीचे काम करताना मोठ्या प्रमाणात अडथळा निर्माण होतो. कदाचित यासाठी पालिकेच्या अधिकाऱ्यांनी सध्यातरी मुरगाव नगरपालिकेचे पूर्ण प्रशासकीय कार्यालय सडा येथील सूडाच्या मार्केट प्रकल्पात तात्पुरते स्थलांतर करण्याचे योजिले आहे. चतुर्थीनंतर वास्कोतील पूर्ण पालिकेचे स्थलांतर सडा येथे करण्यात आल्यानंतर पालिकेच्या इमारतीत असलेल्या इतर कार्यालयांना सुद्धा दुसऱ्या ठिकाणी कार्यालयाचे स्थलांतर करावे लागणार अशी माहिती पालिकेच्या वरिष्ठ अधिकाऱ्यांमार्फत देण्यात आली.

मुरगाव नगरपालिकेच्या पहिल्या मजल्यावरील मुनिसिपल स्कूलचे नुतनीकरणाचे काम युद्धपातळीवर सुरू आहे. सध्या कोरोना महामारी (Covid 19) असल्याने सर्व विद्यालये बंद ठेवण्यात आली आहे. मुनिसिपल स्कूलचे सर्व वर्ग ऑनलाईन पद्धतीने सुरू ठेवण्यात आले आहे. तसेच पालिकेच्या पहिल्या मजल्यावरील जनता वाचनालय सभागृहाचे सुद्धा स्थलांतर करण्यासाठी गेल्या आठवड्यात वाचनालयाच्या पदाधिकाऱ्यांसोबत पालिका अधिकाऱ्यांची बैठक झाली होती.

Margao Municipality
मडगाव नगरपालिका ‘एक शहर, एक ॲप’ उपक्रम राबविणार

मुरगाव नगरपालिका इमारतीचे नूतनीकरणाचे काम व्हायला पाहिजे तर सर्वप्रथम येथील सर्व कार्यालये येथून हलवणे अत्यंत गरजेचे असल्याची माहिती पालिकेचे नूतनीकरण करणाऱ्या सूडाच्या वरिष्ठ अधिकाऱ्यांमार्फत सांगण्यात येत आहे. प्राप्त माहितीनुसार मुरगाव नगरपालिकेचे येणारा मुख्य दरवाजा नूतनीकरणासाठी बंद करण्यात येणार आहे. सध्या पालिकेच्या इमारतीचे नूतनीकरणाचे काम ३० टक्के झाल्याने सुडाच्या कंत्राटदारांना पालिकेचे काम लवकर करण्यासाठी सहकार्य करण्याचे पालिकेने ठरवले आहे.

Related Stories

No stories found.
Dainik Gomantak
www.dainikgomantak.com