26/11 दहशतवादी हल्ल्यातील शहीदांना उद्या पणजीत आदरांजली

Martyrs of Panaji will be honored on behalf of Sainik Kalyan Sanghatana
Martyrs of Panaji will be honored on behalf of Sainik Kalyan Sanghatana

पणजी : अखिल गोवा माजी सैनिक कल्याण संघटनेच्यावतीने येत्या २६ नोव्हेंबर रोजी २००८ मध्ये मुंबईत झालेल्या दहशतवादी हल्ल्यातील शहीदांना आदरांजली वाहिली जाणार असल्याची माहिती संघटनेचे अध्यक्ष अनंत जोशी यांनी आज पत्रकार परिषदेत दिली.

 जोशी म्हणाले की, आझाद मैदानावर गुरुवारी सायंकाळी ५ वाजता शहिदांच्या प्रतिमेस पुष्पांजली वाहून व हुतात्मा स्मारकासमोर मेणबत्त्या पेटवून श्रद्धांजली वाहण्यात येईल. त्यानंतर ‘जरा याद करो कुर्बानी’ हा कार्यक्रम होईल. मेजर वेणुगोपाल नायर हे मुंबईतील २६ नोव्हेंबर २००८ रोजी झालेल्या हल्ल्याविषयी माहिती सांगतील. या कार्यक्रमात महापालिका, गुज, सम्राट क्लब (पणजी), रोटरी क्लब (पर्वरी), रोटरी क्लब (मिरामार), लायन्स क्लब (पणजी), युथ होस्टेल (मिरामार), जय हिंद फाऊंडेशन आदी संघटना सहभागी होणार असल्याचे जोशी यांनी सांगितले.

गोव्यातील किनारे सुरक्षीत आहेत का याविषयी जोशी म्हणाले की, २००८ नंतर गोव्यातील किनाऱ्यावर सुरक्षिततेचे उपाय झालेले नाहीत. गोव्यातील किनारी भागात अनेक ठिकाणे धोकादायक ठरू शकतात. त्यामुळे राज्य सरकारने किनारी भागातील सुरक्षिततेवर लक्ष केंद्रीत केले पाहिजे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com