'वीज बिल सवलत घोटाळ्यातून मुक्त करा'

5.54 कोटींच्या घोटाळाप्रकरणी मॉविन गुदिन्होंचा अर्ज; 23 मे रोजी युक्तिवाद
'वीज बिल सवलत घोटाळ्यातून मुक्त करा'
Mauvin GodinhoDainik Gomantak

मडगाव : तब्बल 5.54 कोटींच्या वीज बिल सवलत घोटाळ्यातून आपल्याला मुक्त करण्यात यावे असा अर्ज या प्रकरणातील प्रमुख संशयित असलेले वाहतूक मंत्री मोविन गुदिन्हो यांनी केला आहे. दक्षिण गोव्याचे अतिरिक्त सत्र न्यायाधीश व्हिन्सेंट डिसिल्वा यांच्या न्यायालयात हा खटला चालू असून यात गुदिन्हो यांच्यासह सहा जणांवर भ्रष्टाचार प्रतिबंधक कायद्याखाली आरोपपत्र दाखल केले आहे.

Mauvin Godinho
गोव्यातील खाणप्रश्‍नी सकारात्मक तोडगा काढा; सेसा कामगारांची मागणी

या प्रकरणाशी आपला कसलाही संबंध नसल्याचा दावा करून आपल्याला या खटल्यातून वगळावे अशी विनंती त्यांच्या वतीने त्यांचे वकील अरुण ब्रास डीसा यांनी केला. या अर्जावर आता 23 मे रोजी युक्तिवाद होणार आहे.

काँग्रेस सरकारात गुदिन्हो हे विजमंत्री असताना काही कंपन्यांना त्यांनी पूर्वलक्षी प्रभावाने वीज बिलात सवलत देऊन राज्याचे 5.54 कोटींचे नुकसान केल्याचा त्यांच्यावर आरोप आहे. त्यांच्याशिवाय त्यावेळचे वीज खात्याचे अभियंते आणि ज्या कंपन्यांना बिलात सवलत मिळाली त्यांच्या अधिकाऱ्यांना या प्रकरणी आरोपी केले आहेत.

Mauvin Godinho
फोंडा आरटीओ कार्यालयात अनागोंदी कारभार

दरम्यान या भ्रष्टाचाराच्या खटल्याच्या सुनावणीस हजर राहण्यापासून आपल्याला सवलत द्यावी यासाठी टी. नागराजन यांनी केलेल्या अर्जावरही 23 मे रोजी युक्तिवाद ठेवला आहे. आज गुरुवारी नागराजन यांच्या वतीने लेखी युक्तिवाद सादर करण्यात आले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.