पाटणे किनाऱ्यालगत वैद्यकीय कचऱ्याचे ढीग

स्थानिकांत संताप; हजारोंच्या संख्येने इंजेक्शन सिरिंज टाकल्याने नाराजी
पाटणे किनाऱ्यालगत वैद्यकीय कचऱ्याचे ढीग
Medical Waste dumped in PatnemDainik Gomantak

काणकोण : पाटणे किनाऱ्यालगत वैद्यकीय कचरा टाकण्यात येत असल्याने स्थानिकांकडून नाराजी व्यक्त केली जात आहे. पाटणे-केपे येथे किनारऱ्यालगत हजारोंच्या संख्येने वापरलेल्या इंजेक्शन सिंरिंज व अन्य वैद्यकीय कचरा टाकला जात आहे. त्यामुळे पाटणे भागात दुर्गंधी पसरली आहे.

पाटणे किनाऱ्यालगत टाकलेल्या इंजेक्शन सिरिंजची काणकोण सामाजिक आरोग्य केंद्राचे सॅनिटरी इन्स्पेक्टर प्रणय नाईक यांनी पाहणी केली. तसेच या सिरिंजची वैज्ञानिकदृष्ट्या विल्हेवाट लावण्यासाठी त्या एकत्र केल्या.

Medical Waste dumped in Patnem
तणावाखालील विद्यार्थ्यांची पाहणी करा; उच्च शिक्षण खात्याचे आदेश

मडगाव येथील एका खाजगी संस्थेतर्फे महिना ३ ते ४ हजार रुपये शुल्क आकारून वैद्यकीय कचऱ्याचे संकलन केले जाते. चावडी येथील काही खाजगी डॉक्टर या संस्थेची सेवा घेत आहेत. इंजेक्शन सिरिंजची सुई इंजेक्शन केल्यानंतर नष्ट केली जाते. मात्र पाटणे येथे टाकण्यात आलेल्या इंजेक्शन सिरिंज सुईसह असल्याने त्या जास्त धोकादायक बनल्या असल्याचे नाईक यांनी सांगितले.

Medical Waste dumped in Patnem
मडगाव एकेकाळी होते नर्स प्रशिक्षणाचा केंद्रबिंदू

पाटणे समुद्र किनाऱ्यालगत वैद्यकीय कचरा टाकण्यात येत असल्याने नगरसेवक शुभम कोमरपंत यांच्यासह स्थानिकांकडून नाराजी व्यक्त केली जात आहे. काणकोणात निवासी डॉक्टरांची संख्या कमी आहे. मडगावहून सकाळी काणकोणात वैद्यकीय सेवा देऊन ते सायंकाळी परत मडगावला जातात. फक्त एकच डॉक्टर चावडी येथे कायमस्वरूपी सेवा देत असल्याची माहिती मिळाली आहे.

वैद्यकीय कचरा टाकणाऱ्या डॉक्टर व वैद्यकीय क्लिनिकचे नाव माहीत आहे; मात्र ते उघड करण्यास आम्हाला स्वारस्य नाही. कचऱ्यामुळे पाटणे भागात दुर्गंधी पसरली आहे. या भागात पावसात पाणी साचत असल्याने सिरिंज पर्यटकांच्या पायाला टोचण्याची शक्यता येथील युवक सुनय कोमरपंत यांनी व्यक्त केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.