Russian Tourist : रशियन महिला पर्यटकांची भूतदया; जखमी बैलांना वाचवले

‘ध्‍यान फाउंडेशन’च्‍या सहकार्याने शिरवई गोशाळेत उपचार
Russian Tourist Saves Bulls
Russian Tourist Saves BullsDainik Gomantak

काणकोण : मुक्‍या प्राण्‍यांच्‍या रक्षणासाठी ध्‍यान फाऊंडेशन राज्‍यात भरीव कार्य करत आहे. अलीकडेच दक्षिण गोव्यातील मेरियाम व ज्‍युली नावाच्‍या फ्रेंच महिला पर्यटकांनी ध्यान फाउंडेशनच्या मदतीने जखमी बैलांना वाचवण्यास मदत केली. (Russian Tourist Saves Bulls)

Russian Tourist Saves Bulls
RG on Mahadayi Issue : गोवा सरकारने म्हादई कर्नाटकला विकली; आरजीचे टीकास्त्र

तळपण येथे एक बैल जखमी अवस्‍थेत आहे, असा एक कॉल मेरियाम हिने बुधवारी ‘ध्‍यान’च्‍या हेल्‍पलाईनवर केला. बैलाला एक खोल जखम होती. अवस्‍था एकदम नाजूक होती. ध्यान फाउंडेशनची रुग्णवाहिका घटनास्थळी पोहोचली आणि बैलाची सुटका करून उपचार करण्यासाठी शिरवई येथील गोशाळेत नेण्‍यात आले.

मेरियाम ही महिला सकाळी 8 वाजता घटनास्थळी ध्यान फाउंडेशनच्या प्राणी रुग्णवाहिकेची वाट पाहत होती आणि बैलाची पूर्ण सुटका होईपर्यंत थांबली.

त्याचप्रमाणे 13 जानेवारीला ज्युली या फ्रेंच महिला पर्यटकाने आगोंद समुद्रकिनाऱ्यावर आणखी एक बैल लंगडत असल्याचे पाहिले. या महिलेनेही भूतदया दाखवत ध्यान फाउंडेशन अॅनिमल-हेल्पलाइनची मदत घेतली. बैलाला पुढील उपचारांसाठी शिरवई गोशाळेत नेण्यात आले. तेथे सुयोग्‍य उपचार झाले.

हजारो गुरांचे पुनर्वसन

ध्यान फाउंडेशन 2013 पासून गोवाभर बेघर, जखमी आणि आजारी प्राण्यांवर उपचार करून त्यांची काळजी घेत आहे. ध्यान फाऊंडेशनच्या बेतुल, शिरवई आणि जांबावली येथे गोशाळा असून, त्यामध्ये हजारहून अधिक गुरांचे पुनर्वसन करण्‍यात आले आहे.

‘ध्यान फाऊंडेशन’ खूप चांगले काम करत आहे आणि त्यांना पाठिंबा द्यायला हवा. तसेच गोव्यात वाहनचालकांनी लक्षपूर्वक वाहन चालवावे, जेणेकरून गुरांचा बचाव करता येईल.

- ज्‍युली, रशियन पर्यटक

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com