Mahadayi Water Dispute: सायकल रॅलीतून म्हादई रक्षणाचा नारा

विवेकानंद पर्यावरण फौज: मांडवी तीरावरील गावांमधून जनजागृती
Mahadayi save
Mahadayi saveDainik Gomantak

गोव्याची जीवनदायिनी असलेल्या म्हादई नदीवर कर्नाटक सरकार धरणे उभारून पाणी वळवत आहे. कर्नाटकाने जर हे साध्य केले तर गोव्याच्या लोकजीवनासहित वन्यजीव आणि वृक्षवेलींवर त्याचा गंभीर परिणाम होणार आहे.

तेव्हा सर्वांनी म्हादईच्या रक्षणासाठी पुढे येण्याचे आवाहन विवेकानंद पर्यावरण जागृती फौजचे अध्यक्ष चंद्रकांत शिंदे यांनी केले. विवेकानंद पर्यावरण जागृती फौजने आयोजिलेल्या सायकल रॅलीवेळी सायकलपटूंना संबोधित करताना वरील आवाहन केले. यावेळी सहभागी सायकलपटूंनी ‘म्हादई रक्षणाचा’ नारा दिला.

मांडवी नदीच्या तीरावरील गावांमधून ही रॅली पार पाडली. या रॅलीला पणजी सायकलिंग ग्रुप, स्कोप अँड बेंड या सायकिंग संघटनेसहित इतर सुमारे 60 सायकलपटूंनी सहभागी होत चांगला प्रतिसाद दिला. रॅलीची सुरुवात पणजीतील सांतीनेझ खाडीकडून सुरवात झाली. त्यानंतर रायबंदर, जुने गोवे, गवंडाळी, माशेल, आमोणा, विर्डी, साखळी, डिचोली, मये तलाव, चोडण येथून पणजी दिवजा सर्कल येथे समाप्त झाली.

Mahadayi save
Goa Politics: विद्येच्‍या प्रांगणात राजकारण नकोच!

या रॅलीदरम्यान जुने गोवे येथे लोकसभा खासदार श्रीपाद नाईक यांच्या निवासस्थानी भेटून म्हादई रक्षणाचे निवेदन सादर केले. माशेल येथे पर्यावरण कार्यकर्ते मधू गावकर यांनी रॅलीचे स्वागत केले. मये तलाव येथे पर्यावरण प्रेमी राजेंद्र केरकर यांनी उपस्थित सायकलपटूंना मार्गदर्शन केले. यावेळी राजेंद्र केरकर यांनी गोव्याच्या जलसंपदेचे संरक्षण करण्याचे आवाहन केले. यावेळी पौर्णिमा केरकर, शुभदा च्यारी यांच्यासह विवेकानंद पर्यावरण फौजेचे कार्यकर्ते उपस्थित होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com