ओबीसी आरक्षणासाठी लोबोंची मुख्यमंत्र्यांशी चर्चा
Michael Lobo Meets Pramod Sawant over OBC ReservationDainik Gomantak

ओबीसी आरक्षणासाठी लोबोंची मुख्यमंत्र्यांशी चर्चा

पणजीत शासकीय निवासस्थानी घेतली भेट

पणजी : राज्यात सध्या पंचायत निवडणुका आणि त्यातील ओबीसी आरक्षणाचा विषय जोरदार चर्चेत आहे. याच मागणीसाठी विरोधी पक्षनेते मायकल लोबो यांनी काल बुधवारी मुख्यमंत्री प्रमोद सावंत यांची भेट घेतली. यावेळी त्यांनी ओबीसी उमेदवारांना न्याय देण्याची मागणी केली. यावेळी त्यांच्यासोबत साळगावचे आमदार केदार नाईक उपस्थित होते. (Michael Lobo Meets Pramod Sawant over OBC Reservation)

Michael Lobo Meets Pramod Sawant over OBC Reservation
गोव्यात पावसाळी अधिवेशनाला 11 जुलैपासून प्रारंभ

राज्यात सध्या पंचायत निवडणुकांचे वारे वाहात असून या निवडणुकांमध्ये इतर मागासवर्गीय (ओबीसी) उमेदवारांच्या आरक्षणासाठी सर्वोच्च न्यायालयाने 10 मे आणि 17 मे रोजी दोन स्वतंत्र निकाल दिले आहेत. या निकालानुसार ओबीसींना आरक्षण देताना मागासलेपणाचे निकष तपासले जावेत आणि यासाठी स्वतंत्र इतर मागासवर्गीय आयोगाची स्थापना करावी, असे म्हटले आहे.

Michael Lobo Meets Pramod Sawant over OBC Reservation
'भाजपची निदर्शने म्हणजे केवळ नाटक'

या आयोगामार्फत ओबीसींचा साकल्याने अभ्यास करून माहिती गोळा करावी आणि त्याआधारेच आरक्षण देण्यात यावे. अन्यथा ओेबीसींना आरक्षण न देता खुल्या वर्गातून त्यांना निवडणूक लढवण्यास सांगावे आणि आरक्षित प्रभाग खुले करावेत, असे म्हटले आहे. या निकालाचा आधार घेत विरोधी पक्षनेते मायकल लोबो आणि आमदार केदार नाईक यांनी काल मुख्यमंत्र्यांची भेट घेतली.

दरम्यान कोणत्याही परिस्थितीत राज्यातील ओबीसींवर आम्ही अन्याय होऊ देणार नाही. त्यांना 27 टक्के आरक्षण मिळालेच पाहिजे, तो त्यांचा न्याय्य हक्क आहे. या मागण्यांसाठीच मी मुख्यमंत्र्यांना भेटलो असून याबाबत मुख्यमंत्री सकारात्मक आहेत. ते ओबीसींना न्याय देतील, असा विश्वास मायकल लोबो यांनी व्यक्त केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com