विरोधकांच्या मतदारसंघातही विकासकामे करा : लोबो

लोबो यांच्या नेतृत्वाखाली मंगळवारी काँग्रेस आमदारांच्या शिष्टमंडळाने मुख्यमंत्र्यांची भेट घेतली.
विरोधकांच्या मतदारसंघातही विकासकामे करा :  लोबो
Michael Lobo Dainik Gomantak

पणजी : विरोधी आमदारांच्या मतदारसंघामध्ये कामांकडे दुर्लक्ष होणार नाही, याची काळजी सरकारने घेतली पाहिजे. संबंधित खात्याचा मंत्री किंवा अधिकारी कामानिमित्त जेव्हा एकाद्या मतदारसंघात येणार असेल, तर आमदाराला किमान दोन दिवसांपूर्वी सूचित करण्यात यावे आणि यात मुख्यमंत्री प्रमोद सावंत यांनी लक्ष घालावे, अशी मागणी विरोधी पक्षनेते मायकल लोबो यांनी केली.

Michael Lobo
वेळेत कामे होत नसल्यास मंत्रिपद सोडणार : काब्राल

लोबो यांच्या नेतृत्वाखाली मंगळवारी काँग्रेस आमदारांच्या शिष्टमंडळाने मुख्यमंत्र्यांची भेट घेतली. शिष्टमंडळात हळदोणेचे आमदार ॲड. कार्लुश फरेरा, सांताक्रुझचे आमदार रुदाल्फ फर्नांडिस, शिवोलीच्या आमदार दिलायला लोबो, साळगावचे आमदार केदार नाईक, केपेचे आमदार एल्टन डिकोस्टा यांचा समावेश होता.

मान्सून सुरू झाला असला तरी अजून मान्सपूर्व कामे अनेक ठिकाणी पूर्ण झालेली नाहीत. त्यामुळे लोकांना समस्यांना सामोरे जायला लागत आहे. यात विरोधी आमदारांच्या मतदारसंघामध्ये काही समस्या निर्माण झाल्या असल्याचेही मुख्यमंत्री सावंत यांच्यासमोर या अडचणी मांडल्या. विरोधी आमदारांच्या मतदारसंघातील पंचायत घरांमध्ये पाण्याची गळती होत असल्याच्या घटना घडत आहे. अशा घटनांकडे मुख्यमंत्री सावंत यांनी लक्ष घालून संबंधित अधिकाऱ्यांना ही कामे करण्याचा आदेश दिला आहे, अशी माहिती लोबो यांनी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com