काँग्रेसने उमेदवारी नाकारल्यास अनेक पर्याय खुले : मिकी पाशेको

आजपासून पाशेकोंची प्रचाराला सुरुवात, थेट पक्षनेतृत्त्वाला आव्हान
काँग्रेसने उमेदवारी नाकारल्यास अनेक पर्याय खुले : मिकी पाशेको
Mickky PachecoDainik Gomantak

सासष्टी : काँग्रेस पक्षाने आगामी विधानसभा निवडणुकीसाठी उमेदवाराच्या दोन याद्या जाहीर केल्या आहेत. मात्र त्यात बाणावली मतदारसंघाचा समावेश नाही. त्यामुळे कॉंग्रेस पक्षाचे इच्छुक उमेदवार व  माजी आमदार मिकी पाशेको गोंधळलेल्या मनस्थितीत असल्याचं चित्र आहे. अशातच उमेदवारी नाकारल्यास आपल्यासाठी अनेक पर्याय खुले असल्याचं सांगत मिकी पाशेकोंनी थेट काँग्रेसला आव्हान दिलं आहे. (Mickky Pacheco News Updates)

Mickky Pacheco
उमेदवारीची वाट न पाहता, इजिदोर फर्नांडीस यांची प्रचाराला सुरुवात

आपल्याला उमेदवारी मिळावी म्हणून मी पक्ष श्रेष्ठीवर दबाव टाकणार नाही. शिवाय उमेदवारी दिली नाही म्हणून मी मागे हटणाऱ्यापैकी नाही. काँग्रेसने (Congress) उमेदवारी नाकारल्यास माझ्यापुढे अनेक पर्याय आहेत. योग्य वेळी मी माझी भूमिका उघड करणार आहे, असे मिकी पाशेको यांनी घेतलेल्या पत्रकार परिषदेत सांगितले आहे.

Mickky Pacheco
NCP गोव्यात स्वबळावर निवडणूक लढणार

बाणावलीच्या मतदारांमध्ये संभ्रम निर्माण होऊ नये म्हणुन आपण 12 जानेवारीपासून प्रचाराला सुरुवात करणार आहे. बाणावलीत माझी वैयक्तिक पाच हजार पेक्षा जास्त मते आहेत. शिवाय सध्याचे आमदार चर्चिल आलेमाव (Churchill Alemao) यांना आव्हान देण्याची ताकद केवळ आपल्यामध्ये आहे, हे कॉंग्रेस नेत्यांना माहीत आहे असेही मिकी पाशेको याने सांगितले. माझा प्रचार वाड्या-वाड्यामध्ये होणार आहे व निवडणूक आचारसंहितेचे पालन केले जाईल, असेही पाशेको म्हणाले.

Mickky Pacheco
गोविंद गावडेंच्या भाजपप्रवेशाची तारीख ठरली

तृणमूल कॉंग्रेसच्या खासदार महुआ मोयत्रा यांनी आगामी विधानसभा निवडणुकीत (Goa Assembly Elections) काँग्रेस व तृणमूलमध्ये युती होणार असे वक्तव्य केले आहे ते साफ दिशाभूल करणारे आहे, असे पाशेको म्हणाले. तसेच काँग्रेस व राष्ट्रवादी काँग्रेसमध्ये युतीसाठी बोलणी चालू असली तरी काँग्रेसच्या उमेदवारीसाठी बाणावलीत आपणच योग्य उमेदवार असल्याचे पाशेको म्हणाले.

Mickky Pacheco
रिव्हॉल्युशनरी गोवन्सची चौथी यादी जाहीर

बाणावलीत आपण सर्व्हे केला असून काँग्रेसचे उमेदवार म्हणून मिकी पाशेकोला जास्त पाठिंबा लाभत आहे. शिवाय 20 वर्षांनंतर बाणावलीत काँग्रेसला जिंकण्याची ही चांगली संधी आहे. या मतदार संघातील परिस्थिती आपण पक्ष श्रेष्ठीच्या कानावार घातली असल्याचे बाणावली काँग्रेस ब्लॉक अध्यक्ष मेनिनो फर्नांडिस यानी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com