Mickky Pacheco: तिकीट नाकारलं, नाराज मिकी पाशेकोंचा काँग्रेसला रामराम

पाशेको यांनी आपला राजीनामा गिरीश चोडणकर यांच्याकडे सुपूर्द केला
Mickky Pacheco: तिकीट नाकारलं, नाराज मिकी पाशेकोंचा काँग्रेसला रामराम
Mickky PachecoDainik Gomantak

Mickky Pacheco: गोवा विधानसभा निवडणुका तोंडावर असतानाही गोव्यात पक्षांतराचे प्रमाण काही घटले नाही. दरम्यान सर्वच पक्षांतर्फे आपल्या उमेदवारांच्या याद्या जाहीर होत आहेत. उमेदवारी न मिळाल्यानेही अनेक राजकीय नेते आपल्या पक्षाला रामराम करत आहे. यातच कॉंग्रेस नेते मिकी पाशेको (Mickky Pacheco) यांना कॉंग्रेसने (Congres) उमेदवारी नाकारल्यामुळे त्यांनी पक्षाला रामराम केला आहे.

Mickky Pacheco
इंटरनॅशनल जुगार रॅकेटचा पर्दाफाश, तीन आरोपींना अटक

कॉंग्रेसने दोन याद्या जाहीर केल्यावर पाशेको यांना आपल्याला उमेदवारी मिळणार नसल्याची शंका आली होती. त्यावेळीच त्यांनी आपली बाजू स्पष्ट केली होती. ते म्हणाले होते की, 'आपल्याला उमेदवारी मिळावी म्हणून मी पक्ष श्रेष्ठीवर दबाव टाकणार नाही. शिवाय उमेदवारी दिली नाही म्हणून मी मागे हटणाऱ्यापैकी नाही. काँग्रेसने (Congress) उमेदवारी नाकारल्यास माझ्यापुढे अनेक पर्याय आहेत. योग्य वेळी मी माझी भूमिका उघड करणार आहे, असे मिकी पाशेको यांनी घेतलेल्या पत्रकार परिषदेत सांगितले होते.

Mickky Pacheco
Goa Politics: गोव्यात घडला भारतातील एक राजकीय विक्रम

बाणावलीची उमेदवारी तियांत्रिस्त टोनी डायस याना जाहीर केल्यानंतर आज पाशेको यांनी आपला राजीनामा प्रदेश अध्यक्ष गिरीश चोडणकर याना पाठवून दिला. आपण काँग्रेस पक्षाला गोव्यात पुन्हा उर्जितावस्था देण्यासाठी या पक्षात सामील झालो होतो. पण काँग्रेसला भ्रष्ट्राचाराचा गंज चढला असून त्यातून हा पक्ष बाहेर पडण्याची शक्यता आपल्याला दिसत नाही त्यामुळे आपण नाइलाजाने पक्षातून बाहेर पडत असल्याचे पाशेको यांनी आपल्या राजीनामापत्रात म्हटले आहे.

पाशेको यांनी स्वतः काँग्रेसच्या बाणावलीच्या उमेदवारीवर दावा केला होता. मात्र काँग्रेसने फॉर्मेलीन एजंटच्या माध्यमातून ही उमेदवारी विकली असा आरोप त्यांनी केला आहे. काँग्रेसचे उमेदवार स्थानिक गट ठरविणार असे पी. चिदंबरम यांनी सांगितले होते याची आठवण करून देताना तसे जर असेल तर तृणमूलमधून आयात करून आणलेल्या उमेदवाराला 48 तासात ही उमेदवारी कशी दिली असा त्यांनी सवाल केला आहे. चिदंबरम बोलतात छान पण त्यांच्या बोलण्यातही दम नाही हे आता सिद्ध झाले आहे अशी टीका त्यांनी केली.

दरम्यान पाशेको यांनी काँग्रेस सोडून पुन्हा राष्ट्रवादीत जाण्याचा निर्णय घेतला असून कदाचित आता ते नुवेतून निवडणूक लढविणार असे सांगितले जाते.

राष्ट्रवादीचे प्रदेश अध्यक्ष जुझे फिलिप डिसोझा याना याबाबत विचारले असता, पाशेको यांची आमच्या बरोबर बोलणी चालू असून एकतर ते आमचे बाणावली किंवा नुवेचे उमेदवार असू शकतात असे त्यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.