...त्या सर्व बेकायदेशीर गोष्टीसाठी मिलींद नाईक जबाबदार: परशुराम सोनुर्लेकर

माजी वीजमंत्री मिलिंद नाईक यांच्या कार्यकाळात 2012-2017 या कालावधीत अनेक बेकायदेशीर गोष्टी विभागाकडून केल्या असल्याची माहिती असून, या सर्व बेकायदेशीर गोष्टीसाठी मिलींद नाईक जबाबदार असल्याचा आरोप गोवा फर्स्टचे अध्यक्ष परशुराम सोनुर्लेकर यांनी केला आहे.
...त्या सर्व बेकायदेशीर गोष्टीसाठी मिलींद नाईक जबाबदार: परशुराम सोनुर्लेकर

Job Scam

Dainik Gomantak

Job Scam: माजी वीजमंत्री मिलिंद नाईक यांच्या कार्यकाळात 2012-2017 या कालावधीत अनेक बेकायदेशीर गोष्टी विभागाकडून केल्या असल्याची माहिती असून, या सर्व बेकायदेशीर गोष्टीसाठी मिलींद नाईक जबाबदार असल्याचा आरोप गोवा फर्स्टचे अध्यक्ष परशुराम सोनुर्लेकर यांनी केला आहे.

<div class="paragraphs"><p><strong>Job Scam</strong></p></div>
कोरोनाचा चढता आलेख; मागील काही दिवसातील सर्वाधिक रुग्णसंख्या...

परशुराम सोनुर्लेकर यांनी घेतलेल्या पत्रकार परिषदेत सदर माहिती देताना ते म्हणाले की, 'मिलिंद नाईक (Milind Naik) यांनी आपल्या वीज मंत्रिपदाच्या कार्यकाळात अनेक बेकायदेशीर रित्या नोकरभरती केली असल्याची माहिती हक्क कायद्याअंतर्गत मिळालेल्या माहितीनुसार उघड झाली आहे. 2012-2017 या काळात केलेल्या बेकायदेशीर नोकरभरतीत बहुतेक कर्मचारी त्यांच्या मतदारसंघातील होते. यात त्यांची चुलत बहीण आणि त्यांच्या एका नातेवाईकाला सरकारी नोकरी भरती करण्यात आले. आणि मुरगाव नगरपालिकेच्या माजी नगराध्यक्ष यापैकी एकाच्या पत्नीची वयोमर्यादेच्या वर निवड झाली आहे. तसेच बहुतेक लोकांनी नोकरी मिळवण्यासाठी बनावट अनुभव प्रमाणपत्र सादर केले होते.

या दरम्यान महसूल विभाग देखील स्कॅनरच्या कक्षेत आहे. कारण इतर राज्यातील बहुतेक परप्रांतीय लोक सुद्धा या सरकारी नोकरीसाठी पात्र झाले असल्याचे उघड झाले आहे असे सोनुर्लेकर यांनी सांगितले. या सर्व गोष्टीत मुरगांवचे तत्कालीन मामलेदारांनी याकामी मदत करताना त्यांन जारी केलेल्या गोव्यात गेली 15 वर्षाचे वास्तव्य पूर्ण न केलेल्या वयातील लोकांना 15 वर्षाचा रहिवाशी दाखवला दिला असल्याचे सोनुर्लेकर यांनी सांगताना या सर्व बेकायदेशीर गोष्टीवर आळा घालण्यात वीज विभाग अपयशी ठरला आहे. केवळ मिलींद नाईक यांच्या सांगण्यावरून या लोकांना जाणीवपूर्वक सरकारी नोकरीत समाविष्ट करण्यात आले असल्याचे ते म्हणाले.

<div class="paragraphs"><p><strong>Job Scam</strong></p></div>
...म्हणून गोवा विधानसभा निवडणूक पुढे ढकलावी: जुझे फिलिप डिसोझा

या सर्व गोष्टींची चौकशी करून बनावट प्रमाणपत्रासह वीज विभागात रुजू झालेल्या गैर लोकांवर कारवाई करून त्यांना कामावरून कमी करावे अशी मागणी वीजमंत्री निलेश काब्राल यांच्याकडे सोनुर्लेकर यांनी केली आहे. यापूर्वी उच्च न्यायालयाने 30 हून अधिक अश्या बेकायदेशीर नोकरीत भरती झालेल्या लोकांना नोकरीतून कमी करण्याचे आदेश दिला होता असे सोनुर्लेकर यांनी सांगताना बनावट कागदपत्रे सादर करून आणि भ्रष्ट पध्दतीचा वापर करून नोकरी दिलेल्यांना वीज विभागाने न्याय दिल्यास आम्हाला पुन्हा उच्च न्यायालयाचे दरवाजे ठोठावण्यास भाग पाडले जाईल, असा इशारा गोवा फर्स्टचे अध्यक्ष परशुराम सोनुर्लेकर यांनी दिला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com