'दूधसागर'च्या खनिजमिश्रीत पाण्याने नागरिकांचे आरोग्य धोक्यात

आरोग्याचा प्रश्न निर्माण होण्यापूर्वी नागरिकांनी केली चौकशीची मागणी
'दूधसागर'च्या खनिजमिश्रीत पाण्याने नागरिकांचे आरोग्य धोक्यात

फोंडा; दूधसागर नदीत संधी साधून खनिजमिश्रीत गाळयुक्त पाणी सोडले जात असल्याने ओपा जल प्रकल्पावर त्याचा विपरित परिणाम होत आहे. आठवड्याभरापूर्वी नदीचे पाणी लाल झाले होते. खनिजमिश्रीत पाणी सोडल्यामुळे नदीचे पाणी लाल झाल्याने बऱ्याच ठिकाणी ऐन चतुर्थीत गढूळ लाल पाणी नळांना येण्याचा प्रकार घडला होता. आज (मंगळवारी) सकाळी कोडली भागातील दूधसागर नदीच्या पात्रात गढूळ खनिज माल मिश्रीत लाल पाणी सोडल्याने खळबळ उडाली होती.

(Mineral mixed water in Dudhsagar river endangers the health of citizens)

'दूधसागर'च्या खनिजमिश्रीत पाण्याने नागरिकांचे आरोग्य धोक्यात
'गोवा संपर्क यात्रा' माध्यमातून राज्यपालांनी दिली 60 टक्के गावांना भेट

कोडली भागात हे लाल पाणी दिसल्याने पर्यावरणप्रेमी नागरिकांनी संताप व्यक्त करीत सरकारी यंत्रणेने या प्रकरणाची सखोल चौकशी करण्याची मागणी केली आहे. दूधसागर नदीचे हे लाल पाणी पुढे खांडेपार नदीला मिळत असल्याने त्याचा विपरित परिणाम ओपा जल प्रकल्पावर होत असल्याने लाल पाणी नळांना येण्याचा प्रकार घडत असल्याने नळाचे पाणी वापरणाऱ्या नागरिकांच्या आरोग्याचा प्रश्न निर्माण होण्याची शक्यता आहे.

'दूधसागर'च्या खनिजमिश्रीत पाण्याने नागरिकांचे आरोग्य धोक्यात
राज्यात पुढील 4 दिवसात मध्यम स्वरूपाच्या पावसाची शक्यता - IMD

खाण प्रकल्पातूनच हे गढूळ पाणी सोडले जात असल्याचा संशयही पर्यावरणप्रेमी नागरिकांनी व्यक्त केला आहे. दरम्यान, सरकारी यंत्रणेने या प्रकरणी त्वरित लक्ष घालून खनिज मिश्रीत लाल पाणी नदीच्या पात्रात सोडण्याच्या प्रकाराची सखोल चौकशी करावी अशी मागणी पर्यावरणप्रेमी तथा आरटीआय कार्यकर्ते संदीप पारकर यांनी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com