भारतीय तंत्रज्ञान संस्था (IIT Goa), गोवा केंद्रीय शिक्षण मंत्रालयाच्या 'एक भारत श्रेष्ठ भारत' उपक्रमांतर्गत 'युवा संगम' कार्यक्रमाचे कला आणि संस्कृती खात्याचे मंत्री गोविंद गावडे यांच्या हस्ते आज उद्घाटन करण्यात आले. यावेळी ‘युवा संगम’ प्रतिनिधींचे मंत्रमुग्ध करणाऱ्या गाण्यातून स्वागत करण्यात आले.
‘युवा संगम’ या कार्यक्रमाच्या निमित्ताने हिमाचल प्रदेशातील आणि लडाखमधील विद्यार्थी आणि कर्मचारी असा चमू आज गोव्यात दाखल झाला.
गोव्यात दाखल झालेले विद्यार्थी जनसंवाद, राज्याचा इतिहास, संस्कृती आणि परंपरा जाणून घेतील तसेच गोव्याविषयी माहिती देणाऱ्या विविध उपक्रम आणि कार्यक्रमांमध्ये सहभागी होणार आहेत.
या कार्यक्रमाचा उद्देश राष्ट्रीय एकात्मता वाढवणे आणि देशाच्या विविध भागांतील समृद्ध सांस्कृतिक वारशांची ओळख विद्यार्थ्यांना करुन देणे हा आहे. विद्यार्थ्यांची भेट पर्यटन, परंपरा, प्रगती (विकास) परस्पर संपर्क आणि तंत्रज्ञान या पाच विस्तृत क्षेत्रांवर केंद्रित आहे.
गोव्याचे राज्यपाल पी. एस. श्रीधरन पिल्लई, मुख्यमंत्री डॉ. प्रमोद सावंत आणि कला आणि संस्कृती, क्रीडा मंत्री गोविंद गावडे ‘युवा संगम’ दरम्यान विद्यार्थ्यांशी संवाद साधतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
