मंत्री मायकल लोबोंचा पत्नीसह काँग्रेसमध्ये प्रवेश
Michael Lobo Dainik Gomantak

मंत्री मायकल लोबोंचा पत्नीसह काँग्रेसमध्ये प्रवेश

गोव्याला योग्य दिशेने नेण्याची गरज आहे, त्यामुळे मी भाजपचा राजीनामा देत काँग्रेसमध्ये जाण्याचा निर्णय घेतला आहे

पणजी : गोव्यातील भाजपचे प्रबळ नेते मायकल लोबो यांनी मंगळवारी काँग्रेस पक्षात प्रवेश केला. मायकल लोबो यांच्यासोबत त्यांची पत्नी डेलिलाह लोबो यांनीही काँग्रेसमध्ये प्रवेश केला. सोमवारी मायकेल लोबो यांच्यासह अन्य आमदार प्रवीण जंते यांनी भाजप (BJP) सोडण्याची घोषणा केली होती. कालपासून मायकल काँग्रेसमध्ये सामील होतील, असे मानले जात होते.

Michael Lobo
'काँग्रेसची टीएमसी सोबत युती नाही, 'या' चर्चा पूर्णपणे निराधार आणि असत्य'

मायकल लोबो हे गोव्यातील कळंगुट मतदारसंघाचे आमदार आहेत आणि ते राज्य मंत्रिमंडळात मंत्री होते. मायकल लोबो यांच्या पत्नी भाजपच्या माजी महिला प्रदेश उपाध्यक्षा राहिल्या आहेत. भाजप सोडून काँग्रेसमध्ये प्रवेश केल्यानंतर मायकल लोबो (Michael Lobo) यांनी प्रसारमाध्यमांना सांगितले की, गोव्याला (goa) योग्य दिशेने नेण्याची गरज आहे, त्यामुळे मी भाजपचा राजीनामा देत काँग्रेसमध्ये (Congress) जाण्याचा निर्णय घेतला आहे.

Michael Lobo
...म्हणून लोबो कचरामंत्री होते: भारतीय जनता युवा मोर्चा

तत्पूर्वी, सोमवारी भाजपचा राजीनामा दिल्यानंतर मायकल लोबो यांनी पक्षाच्या कार्यपद्धतीवर नाराज असल्याचे सांगितले. विशेषत: तळागाळातील कार्यकर्त्यांना ज्या प्रकारे वागणूक दिली जात होती, ते त्रासदायक होते, त्यामुळे मी भाजपचा राजीनामा दिला आहे. मायकल लोबो हे प्रमोद सावंत यांच्या मंत्रिमंडळातील सर्वात बोलके मंत्री मानले जात होते. मंत्रिमंडळातील ते तिसरे ख्रिस्ती मंत्री होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.