Rohan Khaunte: मंत्र्यांचा कर्मचाऱ्यांना दणका; एकाचे निलंबन तर गैरहजर असणाऱ्या 7 जणांना कारणे दाखवा नोटिस

प्रिटिंग आणि स्टेशनरी विभागात अचानक दिली भेट; अनेक कर्मचारी अनुपस्थित
Rohan Khaunte
Rohan KhaunteDainik Gomantak

Rohan Khaunte: गोव्याचे पर्यटन मंत्री रोहन खंवटे यांच्याकडे राज्यातील इतरही काही खात्यांचा कार्यभार आहे. खंवटे यांच्याकडे आयटी, प्रिटिंग आणि स्टेशनरी ही खातीदेखील आहे. खंवटे यांनी शुक्रवारी अचानक प्रिटिंग आणि स्टेशनरी विभागाला भेट दिली. त्यांच्या या अचानक भेटीने अनेक कर्मचाऱ्यांची तारांबळ उडाली. दरम्यान, या भेटीत खंवटे यांनी एका वरिष्ठ कर्मचाऱ्याला निलंबित केल्याचे समजते. तर जवळपास सात कर्मचाऱ्यांना कारणे दाखवा नोटीस पाठवल्याचे सांगितले जात आहे.

Rohan Khaunte
Mahadayi Water Dispute: 'म्हादई'प्रश्नी अमित शाह यांनी गोव्याला दिलेले आश्वासन म्हणजे 'डबल गेम'

दरम्यान, या भेटीत मंत्री खंवटे यांना अनेक कर्मचारी गैरहजर असल्याचे दिसून आले. त्यावरून उपस्थित कर्मचाऱ्यांची मंत्री खंवटे यांनी झाडाझडती घेतली. लोकांच्या सेवेसाठी कर्मचारी येथे असून ते जर कार्यालयीन वेळेत कार्यालयात उपस्थित नसतील तर लोकांची कामे होणार कशी, असा जाब मंत्री खंवटे यांनी विचारला. यापुढे कर्मचाऱ्यांची असली बेफिकीर वृत्ती अजिबात खपवून घेणार नाही, असा इशाराही त्यांनी दिला आहे. दरम्यान, गैरहजर असलेल्या 7 कर्मचाऱ्यांना खंवटे यांच्या मंत्रालयाने कारणे दाखवा नोटीस बजावली आहे. या कर्मचाऱ्यांना त्यांचे लेखी उत्तर काही दिवसात द्यावे लागणार आहे.

Rohan Khaunte
Vasco: वास्को रेल्वेस्थानकाजवळील फ्लायओव्हर अचानक बंद केल्याने पादचाऱ्यांचे हाल

याशिवाय बायंडर ग्रेड दोन पदावर कार्यरत असलेल्या एका कर्मचाऱ्याला निलंबित करण्यात आल्याचे समजते. हा कर्मचारी वारंवार गैरहजर असल्याचे समोर आले आहे. शिवाय अनुपस्थित राहण्याबाबत त्याने पूर्वकल्पना दिलेली नाही. किंवा वरिष्ठांकडून रजा मंजुर करून घेतलेली नसल्याचे समोर आले आहे. त्यामुळेच त्याच्यावर निलंबनाची कारवाई झाल्याचे समजते.

मंत्री खंवटे यांच्या या भेटीची आणि कर्मचाऱ्यांवरील कारवाईबाबतची बातमी राजकीय वर्तुळात आणि कर्मचारी वर्गात दिवसभर होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com