पणजी : संरक्षण राज्यमंत्री श्रीपाद नाईक यांना गोवा वैद्यकीय महाविद्यालय इस्पितळात तून घरी पाठवण्यात आले आहे . गेले दीड महिना त्यांच्यावर या इस्पितळात उपचार सुरू होते . कर्नाटकातील अंकोलाजवळ कार उलटून झालेल्या अपघातात नाईक जबर जखमी झाले होते .अनेक ठिकाणी त्यांना फॅक्चर झाले होते. अपघातानंतर काही तासांतच त्यांना गोव्यात उपचारासाठी हलविण्यात आले होते.
सुरुवातीचे काही दिवस अतिदक्षता विभागात त्यांच्यावर उपचार केल्यानंतर खास कक्षात त्यांच्यावर उपचार सुरू होते. आज घरी पाठवल्यानंतर त्यांनी आपल्याला किमान पुढील महिनाभर घरातच विश्रांती घ्यावी लागणार आहे असे सांगितले आहे.11 जानेवारीला कर्नाटक दौऱ्यावरून येल्लापूरहून गोकर्णला जात असताना त्यांच्या गाडीचा अपघात झाला होता. या अपघात केंद्रीय मंत्री श्रीपाद नाईक यांच्या पत्नी विजया नाईक यांचा दुर्दैवी मृत्यू झाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.