जनतेचे प्रश्न सुटावे म्हणून ‘प्रशासन तुमच्या दारी’ हा उपक्रम राबविला जात आहे. सरकारमधील घटकांनी जनतेत मिसळून लोकांची कामे करावी, म्हणून हा प्रयत्न आहे.
गोव्यात होणारा विकास हा पंतप्रधान नरेंद्र मोदी सरकारच्या मार्गदर्शनाखाली मार्गी लागला असून स्थानिक पातळीवरही गतीने विकास होत आहे,असे प्रतिपादन आरोग्यमंत्री विश्‍वजीत राणे यांनी सांगे पालिका सभागृहात आयोजित कार्यक्रमात केले.
‘प्रशासन तुमच्या दारी’ अंतर्गत आरोग्य मंत्री विश्‍वजीत राणे यांनी सांगे दौरा केला. यावेळी त्यांनी अधिकाऱ्यांसह पंचायत मंडळ, पालिका मंडळाच्या कैफियती जाणून घेतल्या. त्या नंतर सांगे प्राथमिक आरोग्य केंद्राला भेट देऊन नव्या इमारतीच्या कामाची पहाणी केली व शेवटी वन अधिकाऱ्यांसमवेत बैठक घेतली.
मंत्री राणे म्हणाले की, राज्यातील जनतेला मोफत आरोग्य सेवा देणारे एकमेव गोवा राज्य आहे. राज्यात उद्‍भवलेली आगीची समस्या संपवण्यात तरुणांनी पुढाकार घेतला, त्यांचा सन्मान होणे आवश्यक आहे, असेही ते म्हणाले.
व्यासपीठावर माजी आमदार वासुदेव गावकर, जि.पं. सदस्य सुरेश केपेकर, नगराध्यक्ष प्रीती नाईक, उपजिल्हाधिकारी महिमा मदन, मामलेदार गौरव गावकर, डॉ. बांदेकर आदी मान्यवर होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
