पुण्यातील 'तो' बेपत्ता युवक अखेर सापडला गोव्यात! खडक पोलिसांनी दिली माहिती

Missing Youth From Pune Found in Goa

18 ऑगस्टपासून 21 वर्षांचा युवक महाराष्ट्रातील पुण्यातून बेपत्ता झाला होता. तो गोव्यात असल्याची माहिती पुण्यातील खडक पोलिसांना मिळाली होती. त्यानंतर पुणे पोलिसांनी राज्यातील पोलिसांना संपर्क साधून बेपत्ता युवकबद्दल माहिती दिली.

सतीश यादव (21, पुणे) असे त्या युवकाचे नाव असून तो 18 ऑगस्टपासून तो बेपत्ता होता. माहितीनुसार, तो मानसिक तणावात असल्यामुळे त्याने घर सोडले होते. याबाबत त्याच्या कुटुंबियांनी पोलिसात तक्रार दाखल केली.

बरेच दिवस तो घरी परतलाच नसल्याने शोधमोहिम आणखी तीव्र करण्यात आली. त्यानंतर तो गोव्यात असल्याची माहिती खडक पोलिसांना मिळाली. तो ओल्ड गोव्यात असल्याचे कळताच पोलिसांनी इथल्या पोलिसांशी संपर्क साधला.

ओल्ड गोवा पोलिसांनी माहिती मिळताच, सतीशला ताब्यात घेतले. यानंतर खडक पोलीस आणि सतीशचे नातेवाईक ओल्ड गोव्यात त्याला नेण्यासाठी येत असल्याची माहिती आहे.