आमदार दिगंबर कामत, आमदार मायकल लोबो यांच्याविरुद्ध काँग्रेस प्रदेशाध्यक्ष अमित पाटकर यांनी दाखल केलेल्या आमदार अपात्रता याचिकेवरील सुनावणीवेळी प्रतिवाद्यांनी सभापतींकडे पुन्हा वेळ मागितल्याने ती तिसऱ्यांदा तहकूब झाली.
ही सुनावणी आता शुक्रवारी (ता. 17) असून दोन्ही पक्षांकडून त्यावर युक्तिवाद होण्याची शक्यता आहे. ही अंतिम सुनावणी असण्याबाबत सभापतींनी कोणतेच भाष्य केले नाही.
ही याचिका आज सभापतींसमोर सुनावणीला आली, तेव्हा याचिकादाराच्या वकिलांनी ही सुनावणी वारंवार तहकूब केल्याने त्याला उशीर होत आहे. त्यामुळे अधिक दिवस पुढे ढकलण्यात येऊ नये.
पुढील सुनावणीची जवळची तारीख द्यावी अशी विनंती केली. याचिकादार अमित पाटकर म्हणाले की, ही सुनावणी सर्वोच्च न्यायालयाने दिलेल्या निर्देशानुसार तीन महिन्यांत पूर्ण होण्याची गरज होती. ही याचिका जुलै महिन्यात सादर करण्यात आली होती व त्याला 8 महिने उलटून गेली तरी त्यावरील सुनावणी पूर्ण होत नाही, याबाबत नाराजी व्यक्त केली.
प्रतिवादींची विनंती
सुनावणीवेळी. याचिकादार व प्रतिवाद्यांचे वकील उपस्थित राहिले. प्रतिवाद्याच्या वकिलांनी ही सुनावणी तहकूब करण्याची विनंती केली. यावर याचिकादारांकडून सुनावणी पुन्हा तहकूब करू, नये अशी विनंती केली गेली.
मात्र, प्रतिवाद्यांना शेवटची संधी म्हणून ती तहकूब झाली. पुढील सुनावणीची तारीख याचिकादाराची विनंती लक्षात घेऊन या आठवड्यात ठेवण्यात आल्याचे सभापती रमेश तवडकर यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
