MLA Krishna Salkar: बायणा, खारीवाडा समुद्र किनाऱ्याचे रूपडे पालटणार

वास्को: बायणा व खारीवाडा समुद्र किनाऱ्यांचे जतन करताना त्या किनाऱ्यांचे सुशोभीकरण करण्यात येणार असल्याचे वास्कोचे आमदार दाजी साळकर यांनी सोमवारी स्पष्ट केले. बायणा किनारा एक मॉडेल करण्यासाठी आपले प्रयत्न आहेत. यासंबंधी येत्या दोन तीन दिवसांमध्ये पर्यटन मंत्र्याची भेट घेऊन त्यांच्यासोबत चर्चा करण्यात येणार असल्याचे त्यांनी सांगितले.

(MLa said Krishna Salkar will do baina beach and kharewada beach beautification)

पर्यटन खात्याच्या काही अधिकाऱ्यांसमावेत आमदार साळकर यांनी सोमवारी सकाळी बायणा किनाऱ्यांची पाहणी केली. याप्रसंगी त्यांच्यासमावेत नगराध्यक्ष लिओ रॉड्रिग्ज, नगरसेवक रामचंद्र कामत होते.

खारीवाडा किनाऱ्याची पाहणी करताना त्यांच्यासमावेत माजी नगराध्यक्ष लविना डिसोझा, माजी नगराध्यक्ष फियोला रेगो, माजी नगरसेवक आर्नाल्ड रेगो होते. पाहणीच्या वेळी साळकर यांनी सूचना करताना साळकर म्हणाले की, बायणा किनारा एक मॉडेल तयार करण्यासाठी योग्य ते नियोजन करण्याची गरज आहे. त्याद्दष्टीने आम्ही तयारी सुरु केली आहे.

बायणा किनाऱ्यावर तात्पुरत्या स्वरुपात विकास करण्याऐवजी कायमस्वरूपी विकासकामे व्हावीत यासाठी आपले प्रयत्न आहेत. त्याचप्रमाणे खारीवाडा येथील किनाऱ्याची दुर्दशा झाली आहे. तेथे अस्वच्छता पसरली आहे. किनाऱ्याची स्वच्छता करण्याची सूचना आपण केली आहे. तेथे सुशोभीकरण करण्यात येईल.