मडगाव: गोव्यातील म्हादईचे पाणी आधीच कर्नाटक राज्याने पळविले, आता गोव्यातील गरिबांना मिळत असलेला तांदूळही कर्नाटक येथील व्यापाऱ्यांनी पळविला. हेच तुमचे अंत्योदय तत्व का ? असा सवाल गोवा फॉरवर्डचे अध्यक्ष विजय सरदेसाई यांनी केला असून नागरी पुरवठा मंत्री रवी नाईक यांनी या प्रकरणाची सखोल चौकशी करावी व दोषींवर करावाई करावी अशी मागणी केली आहे.
(mla vijai sardesai demand action against those guilty in ration scam)
रवी नाईक हे खणखर वृत्तीचे मंत्री आहेत. ते गृहमंत्री असताना त्यांनी अनेक गुंडावर जरब बसविली. तसाच धडाका त्यांनी यावेळी दाखवावा. या प्रकरणात कोण सामील आहे? त्यांच्यावर कारवाई करावी. मग तो कोण ही असेना का? त्याची गय करू नये असे सरदेसाई यांनी म्हटले आहे.
गतवेळी जो तूरडाळ घोटाळा झाला होता, त्यावेळी मी आवाज उठवून पंतप्रधान नरेंद मोदी यांना पत्र लिहून कारवाई करावी अशी मागणी केली होती. पण त्याचे काहीच झाले नाही. उलट माजी नागरी पुरवठा खात्याचे संचालक सिद्धिविनायक नाईक यांना बळीचा बकरा बनविण्यात आले. आता संजीत रॉड्रिग्ज यांनी ही कारवाई केली म्हणून त्यांच्यावर कारवाई करू नये एव्हढीच अपेक्षा असे सरदेसाई यांनी उपरोधिकपणे म्हटलें आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
