डिचोलीतील मोबाईल टॉवर ‘आउट ऑफ कव्हरेज’

कार्यान्वित होण्याची प्रतीक्षा: नेटवर्क नसल्याने विद्यार्थ्यांचे शैक्षणिक नुकसान
डिचोलीतील मोबाईल टॉवर ‘आउट ऑफ कव्हरेज’
mobile towerDainik Gomantak

साळ: डिचोली तालुक्यातील साळ येथे मोबाईल टॉवर उभारून एक महिना उलटला तरी तो कार्यान्वित झालेला नाही. एप्रिलच्या पहिल्या आठवड्यात देवस्थान जमीन क्षेत्र ‘आम्यानी’ येथे मोबाईल टॉवर उभा राहिला. 10 ते 12 एप्रिलपर्यंत तो कार्यान्वित होणार, असे सांगण्यात आले होते. मात्र तो अजूनही कार्यान्वित होण्याची चिन्हे दिसत नसल्याबद्दल नाराजी व्यक्त केली जात आहे.

कोविड-19मुळे गेली 3 वर्षे शालेय शिक्षण व नोकरवर्गाचे "वर्क फ्रॉम होम" सुरू होते. मात्र साळमध्ये एकाही कंपनीचा टॉवर नसल्याने व त्याचे प्रक्षेपण नसल्यामुळे विद्यार्थी तसेच नोकरवर्गाला अनेक अडचणींना तोंड द्यावे लागले होते. या स्थितीत अजूनही सुधारणा झालेली नाही.

विद्यार्थ्यांच्या भविष्यासाठी सरकारने व मोबाईल टॉवर मालकाने साळ येथील मोबाईल टॉवर लवकरात लवकर कार्यान्वित करावा आणि विद्यार्थ्यांचे शैक्षणिक नुकसान टाळावे, अशी मागणी केली जात आहे. मुख्यमंत्री डॉ. प्रमोद सावंत यात जातीने लक्ष घालून टॉवर कार्यान्वित करण्याचा आदेश देतील, अशी अपेक्षा पालकांकडून व्यक्त केली जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.