‘आसानी’मुळे गोव्यात मॉन्सून वेळेपूर्वी येण्याची शक्यता

परिणाम: चक्रीवादळाचा गोव्याला धोका नाही, ओडिशात अलर्ट
‘आसानी’मुळे गोव्यात मॉन्सून वेळेपूर्वी येण्याची शक्यता
आसानी चक्रीवादळाबाबत अलर्ट जाहीर केल्यानंतर पुरी (ओडिशा) येथे समुद्रकिनाऱ्यावरील बोटी पलटी करून ठेवण्यात आल्यात.Dainik Gomantak

पणजी: खंडीय प्रदेशात वाढलेली उष्णता आणि बंगालच्या उपसागरात निर्माण झालेल्या कमी दाबाच्या पट्ट्यामुळे ‘आसानी’ नावाचे चक्रीवादळ निर्माण झाले आहे. गोवा वेधशाळेने सांगितले, की ‘आसानी’ वादळ पूर्व किनारपट्टीवर असल्याने राज्यात ढगाळ वातावरणाशिवाय त्याचा कोणताही परिणाम होणार नाही. मात्र, या चक्रीवादळामुळे यंदाचा मॉन्सून नियमित वेळेपूर्वी आठ ते दहा दिवस अगोदर येण्याची शक्यता हवामान तज्ज्ञांनी व्यक्त केली आहे.

बंगालच्या उपसागरातील कमी दाबाच्या पट्ट्याचे ‘आसानी’ चक्रीवादळात रुपांतर झाले आहे. हे चक्रीवादळ प्रतितास 16 किलोमीटर गतीने पश्चिम-वायव्य दिशेला सरकले. ते अंदमानची राजधानी पोर्ट ब्लेअरपासून 400 किलोमीटर, आंध्र प्रदेशातील विशाखापट्टणमपासून 940 किलोमीटर तर ओडिशातील पुरीपासून एक हजार किलोमीटरवर होते. येत्या 24 तासांत चक्रीवादळाची तीव्रता वाढून त्याचे अतितीव्र चक्रीवादळात रुपांतर होण्याचा व ते वायव्य दिशेने सरकण्याचा अंदाज हवामान खात्याने वर्तविला आहे. त्याचप्रमाणे, ते उत्तर आंध्र प्रदेश व ओडिशा किनाऱ्यालगत पश्चिम-मध्य बंगालच्या उपसागरात पोचण्याची शक्यता आहे.

आसानी चक्रीवादळाबाबत अलर्ट जाहीर केल्यानंतर पुरी (ओडिशा) येथे समुद्रकिनाऱ्यावरील बोटी पलटी करून ठेवण्यात आल्यात.
पंचायत निवडणुका जूनच्या दुसऱ्या आठवड्यात शक्य; माविन गुदिन्हो यांची माहिती

मॉन्सून निर्मितीची प्रक्रिया सुरू

‘आसानी’मुळे काही ठिकाणी अत्यंत तुरळक पावसाच्या सरी पडू शकतात. ही स्थिती पुढील चार दिवस असेल. सध्या बंगालच्या उपसागरात मॉन्सून निर्मितीची प्रक्रिया सुरू आहे. या चक्रीवादळामुळे यंदाचा मॉन्सून नियमित वेळेपूर्वी आठ ते दहा दिवस अगोदर येण्याची शक्यता हवामान तज्ज्ञांनी व्यक्त केली आहे. असे झाल्यास देशातील काही भागात या महिनाअखेरीस मॉन्सून दाखल होऊ शकतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.