COVID-19 Goa: या केंद्रांवर सर्वाधिक कोविड रूग्णांची नोंद

Most covid patients at Madgaon Vasco Porvorim Ponda Mapusa Panaji Center
Most covid patients at Madgaon Vasco Porvorim Ponda Mapusa Panaji Center

पणजी : नव्या कोरोनाबाधितांची(Covid-19) संख्या कमी व्हावी, कोरोनामुळे होणारे मृत्यू घटावेत, यासाठी सरकारने(Goa) कडक कर्फ्यू(curfew) लावलेला आहे. मात्र हे सर्व प्रयत्न विफल होऊन राज्यात कोरोनाबळींचा कहर सुरुच असून प्राणवायूचा योग्य पुरवठा न झाल्याने 24 तासांत 26 व्यक्तींना आपला जीव गमवावा लागला. कोरोनामुळे मरण पावणाऱ्यांची संख्या झपाट्याने वाढत आहे.(Most covid patients at Madgaon Vasco Porvorim Ponda Mapusa Panaji Center)

काल तब्बल 75 व्यक्ती कोरोनाच्या बळी पडल्या असून गेल्या 11 दिवसात कोरोनाने 636 जणांचे प्राण घेतले आहेत. एकीकडे सरकारी पक्षाचे आमदार बाबूश मोन्सेरात कोरोना नियंत्रणासाठी आरोग्य खाते अपयशी ठरल्याचा आरोप करून आरोग्यमंत्र्यांच्या राजीनाम्याची मागणी करत आहेत, तर दुसरीकडे खुद्द आरोग्यमंत्री संभ्रम निर्माण करणारी वक्तव्ये करत आहेत.  या सर्व गोंधळात कोविड रुग्णांना योग्य उपचार मिळण्यास अडचणी येऊन कोरोना बळींची संख्या बेसुमार वाढत आहे.

राज्यात कोरोना हाताबाहेर गेलाय

आज दिवसभरात 8505 कोविड तपासणीसाठी स्वॅब तपासण्यात आले. त्यात 3124 नवे कोरोना संसर्गित सापडले तर 2475 कोरोनाबाधित बरे झाले. आज आतापर्यंतचे एका दिवसातील सर्वात जास्त 75 कोरोनाबाधितांचे निधन झाले. सलग  पंधराव्या दिवशी दोन हजारपेक्षा जास्त कोरोना बाधित सापडले आहेत. गेल्या 11 दिवसांत 33,722 कोरोना बाधित सापडले असून या 11 दिवसांत तब्बल 636 व्यक्तींना कोरोनामुळे जीव गमवावा लागला आहे. यावरून राज्यात कोरोना हाताबाहेर गेलाय हे स्पष्ट झाले आहे. आणि त्यामुळे राज्यात चिंतेचे वातावरण असून विरोधकांनी सरकारवर असंवेदनशील झाल्याचा आरोप केला आहे. राज्य सरकारने कोरोना नियमांची कडक अंमलबजावणी सुरू करतानाच कर्फ्यू ही लावला आहे. जे नियम तोडतात त्यांच्यावर कठोर कारवाई होत आहे.  तरीही कोरोना नियंत्रणात येत नाही. आरोग्य खात्याने दिलेल्या माहितीनुसार काल दिवसभरात कोरोनावर उपचार घेणाऱ्या 75 व्यक्तींचे निधन झाले. त्यामुळे आतापर्यंत राज्यामध्ये कोरोनामुळे निधन झालेल्या व्यक्तींची संख्या 1804 वर पोचली आहे. काल दिवसभरामध्ये 2475 कोरोनाबाधित बरे झाले. आजच्या दिवशी राज्यात सक्रिय कोरोनाबाधितांची संख्या 32836 वर पोचली असून कोरोनाबाधित बरे होण्याची टक्केवारी 70 टक्के पेक्षा खाली पोचली आहे.

केंद्रवार सर्वाधिक कोविड रूग्ण
मडगाव 2837,  कांदोळी 1765, पर्वरी 100, कुठ्ठाळी 1286 ,  फोंडा  1834 , पणजी 1786, म्हापसा  1572  , वास्को  1058,   चिंबल  1267,  शिवोली 1123, साखळी  1279, पेडणे 1300.
 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com