‘मोस्ट वॉन्टेड’ गुंड विक्कीच्या गोवा पोलिसांनी मुसक्या आवळल्या

अधिक चौकशीसाठी विक्रांत देशमुखला 4 दिवसांची पोलिस कोठडी सुनावण्यात आली आहे.
Criminal Arrested in Panjim
Criminal Arrested in PanjimDainik Gomantak

पणजी : खून, दरोडे, खंडणीसारख्या 33 गुन्ह्यांमध्ये नवी मुंबई पोलिसांना हुलकावणी देणारा ‘मोस्ट वॉन्टेड’ गुंड विक्रांत देशमुख ऊर्फ विकी याला रविवारी पहाटे २ च्या सुमारास पणजीत कॅसिनोजवळ फिल्मी स्टाईने पकडण्यात आले. पणजी पोलिस व मुंबई पोलिसांनी ही संयुक्तरित्या कारवाई केली. तो पोलिसांना खून आणि ‘मोक्का’ या गुन्ह्यांमध्ये हवा आहे.

त्याच्याविरुद्ध पणजी पोलिसांनी बेकायदेशीरपणे शस्त्रास्त्र बाळगल्याप्रकरणी शस्त्रास्त्र प्रतिबंधक कायद्याच्या कलम 3 च्या 25 नुसार गुन्हा दाखल केला आहे. या गुन्ह्याप्रकरणी अधिक चौकशीसाठी त्याला 4 दिवसांची पोलिस कोठडी सुनावण्यात आली आहे.

विक्कीचा गोव्यात येण्यामागाचा उद्देश कॅसिनोत जुगार खेळण्याचा की कोणाची सुपारी घेतली होती या बाजुने पोलिस चौकशी सुरू आहे. त्याच्याकडून देशी बनावटीचे एक पिस्तुल (कट्टा), 5 जिवंत काडतुसे, मोबाईल व काही बँकेची एटीएम कार्डस् जप्त करण्यात आली आहेत. त्याचा आणखी एक साथीदार गोव्यात आला होता. त्याचा शोध घेण्यात येत आहे.

Criminal Arrested in Panjim
पंचायत निवडणुकीत आप्तेष्टांसाठी लोकप्रतिनिधी प्रचारात

क्राईम ब्रँचकडे सोपवणार

फोर्च्युनर गाडीने विक्की मुंबईतून कळंगूट येथे उतरला होता. तपास पूर्ण झाल्यावर त्याला नवी मुंबईच्या क्राईम ब्रँचकडे त्यांच्या गुन्ह्यांच्या तपासासाठी सुपूर्द केले जाईल अशी माहिती उत्तर गोवा पोलिस निरीक्षक शोबित सक्सेना यांनी दिली.

गोवा हे पर्यटन स्थळ असल्याने मोठ्या प्रमाणात पर्यटक भेट देतात. त्यामुळे गेल्या दोन दशकांपासून गंभीर गुन्हे केलेल्या कुविख्यात गुन्हेगारांनी गोवा हे लपण्याचे आश्रयस्थान बनविले आहे. काही दिवसांपूर्वी डॉलर्सच्या चोरीप्रकरणी फरारी असलेल्या महिलेला कॅसिनोमध्ये अटक झाली होती. गुन्हेगार गंभीर गुन्हे करून गोव्यात आश्रय घेतात. काही घरमालक पैशाच्या हव्यासापोटी भाडेकरूची माहिती पोलिसांना देत नाहीत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com