Mother Son Meet in Madgaon : चिमुकल्याची आईपासून ताटातूट; सुरक्षारक्षकाने 'अशी' घडवली मायलेकाची भेट

सुरक्षारक्षकाने दाखवलेलं प्रसंगावधान ताटातूट झालेल्या आई आणि मुलाला पुन्हा एकत्र आणण्यासाठी मोलाचं ठरलं आहे.
Mother Son Meet in Madgaon
Mother Son Meet in MadgaonDainik Gomantak

Mother Son Meet in Madgaon : मायलेकरांची झालेली ताटातूट आजपर्यंत आपण अनेक सिनेमे, मालिकांमधून पाहिली असेल. असाच काहीसा प्रकार गोव्यातही आज पाहायला मिळाला. मडगावात रुग्णालयात झालेली मायलेकरांची ताटातूट काही तासांनंतर पुन्हा घडून आली. सुरक्षारक्षकाने दाखवलेलं प्रसंगावधान ताटातूट झालेल्या आई आणि मुलाला पुन्हा एकत्र आणण्यासाठी मोलाचं ठरलं आहे.

मडगाव येथील दक्षिण गोवा जिल्हा इस्पितळात एका चिमुकल्याची आईपासून ताटातूट झाली होती. भरकटलेल्या एका लहान मुलाची सुरक्षा रक्षकाने सतर्कता दाखविल्याने परत आईशी गाठ पडली. एक महिला आज सकाळी आपल्या मुलाला घेऊन इस्पितळात आली होती. मात्र ती आपले काम करण्यात गर्क असताना तिचे लहान मूल तिथून निसटल्याने दोघांची ताटातूट झाली.

Mother Son Meet in Madgaon
Revolutionary Goans Ultimatum : वीरेश बोरकरांचा उपोषणाचा इशारा; आरजीची नेमकी मागणी काय?

यावेळी ड्यूटीवर असलेल्या पाईक वेळीप या सुरक्षारक्षकाने भांबावलेल्या अवस्थेत फिरणारे हे मूल पाहून त्याने त्याला आपल्या ताब्यात घेतले. यानंतर त्याने सहायक सुरक्षा पर्यवेक्षक सगुण सालेलकर यांच्याशी संपर्क साधला आणि त्यांना झाल्या प्रकाराची कल्पना दिली. त्यानंतर सुरक्षा पर्यवेक्षकांनी त्या मुलाच्या आईचा शोध घेण्यास सुरुवात केली. मुलाची आईही हरवलेल्या आपल्या मुलाचा शोध घेत होती. तिच्याशी गाठभेट झाल्यावर मुलाला तिच्या स्वाधीन करण्यात आलं. आपली हरवलेली आईं सापडल्यावर ते मुलही आपल्या मातेला बिलगले. काहीकाळ या सर्व प्रकारामुळे रुग्णालयात मात्र मायलेकाच्या भेटीचा प्रसंग पाहून सारेच भावूक झाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com