कुठ्ठाळी संत्रात येथे रस्त्यावर माती आल्याने अपघाताची भीती

बिल्डकॉन कंपनीकडून रस्त्यावर पसरलेली माती हटवली
कुठ्ठाळी संत्रात येथे रस्त्यावर माती आल्याने अपघाताची भीती
Mud on Cortalim Road Dainik Gomantak

कुठ्ठाळी : कुठ्ठाळी संत्रात येथील राष्ट्रीय महामार्गावरील उतरणीवर मातीचा भराव वाहून आल्याने वाहन चालकांना गैरसोय झाली.या गोष्टीची कुठठाळीचे आमदार आंतोन वाझ यांनी घटनास्थळी भेट देऊन तेथील परिस्थितीचा अंदाज घेऊन दिलीप बिल्डकॉन कंपनीकडून रस्त्यावर पसरलेली माती हटवली व वाहतुकीस रस्ता सुरळीत केला.

याबाबत कुठठाळीचे आमदार आंतोन वाझ यांना विचारले असता ते म्हणाले, की मिळालेल्या माहितीनुसार येथे विशेषतः रात्री किरकोळ प्रकारचे अपघात होऊन काहीजण जखमी झाले आहेत. तसेच पावसाळ्यात पाण्याच्या प्रवाहात डोंगर माथ्यावरून माती वाहून आली होती.

Mud on Cortalim Road
कॉंग्रेस बेकायदेशीर बांधकामाच्या मुद्द्यावरून सरकारला जाब विचारणार : पाटकर

सध्या कुठठाळी येथील झुआरी पुलाच्या उड्डाण पुलाचे काम चालू असून तिथेच बगल मार्गासाठी डोंगर कापण्यात आला आहे. याच ठिकाणीच येथील स्थानिक स्मशानभूमीकडे जाणारा रस्ता आहे. हे काम करत असताना या रस्त्याची काटछाट करण्यात आली होती. हीच माती रस्त्यावर येऊन पसरली होती. सध्या केवळ एकाच दिवसात पडलेल्या पावसात ही स्थिती तर मग संपूर्ण पावसाळ्यात काय अवस्था होईल, असा सवाल स्थानिकांतून विचारला जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com