Mormugao News: रेल्वे प्रशासनाला 'ते' काम थांबवण्याचे पालिकेचे आदेश

वास्कोत मायमोळे येथे कब्रस्तान जवळ रेल्वे दुपदरीकरणाचे काम चालू असताना अनेक आडकाठी निर्माण झाल्या आहेत.
Mormugao News
Mormugao NewsDainik Gomantak

Mormugao News मुरगाव पालिकेने रेल्वेला मायमोळे तळ्याजवळ विस्ताराचे काम थांबवण्याचे निर्देश दिले आहे. पावसाळ्यात पूर येऊ नये म्हणून पालिकेने रेल्वेला पावसाच्या पाण्याला योग्य मार्ग उपलब्ध करुन देण्याचे निर्देशही दिले आहेत.

वास्कोत मायमोळे येथे कब्रस्तान जवळ रेल्वे दुपदरीकरणाचे काम चालू असताना अनेक आडकाठी निर्माण झाल्या आहेत. गेल्या दोन तीन महिन्या अगोदर याठिकाणी काम चालू असताना कब्रस्तान मधील थडग्यावर मोठे दगड कोसळून थडग्यांचे नुकसान झाले होते.

Mormugao News
Goa Crime: अपहरण करुन बिअरच्या बॉटलने मारहाण, नागझरमधील धक्कादायक घटना

यानंतर मुस्लिम बांधवांनी गदारोळ माजवून सदर कामाला विरोध दर्शवला होता. नंतर वास्कोचे आमदार दाजी साळकर, मंत्री माविन गुदिन्हो, मुरगावचे आमदार संकल्प आमोणकर यांनी रेल्वे अधिकारी, मुस्लिम जमात यांची एकत्रित बैठक बोलावून समझोता घडवून आणला होता. यावेळी रेल्वेने कब्रस्तान मधील थडग्यांना कोणत्याच प्रकारची हानी होणार नसल्याची ग्वाही दिली होती.

दरम्यान काम चालू असलेल्या ठिकाणी मायमोळे तळे व रेल्वे मार्गाखाली एक मोठा नाला असून या नाल्यातून बायणा, मांगोरहील ड्रायवरहिल, मेस्तवाडा आदी भागातील पाणी वाहून सरळ शिपयार्ड जवळील नाल्यातून जाऊन दर्याला मिळते.

Mormugao News
Goa Drugs Case: गोव्यात अमली पदार्थाविरोधात पोलिसांची मोहीम, म्हापशात मोठी कारवाई

रेल्वे दुपदरीकरणाचे काम चालू असून संरक्षक भिंतीचे काम सध्या चालू आहे. संरक्षक भिंतीचे काम नाल्याजवळ चालू असून सदर नाल्याचे तोंड कमी होत गेल्याचे काहींच्या निदर्शनास आले असता याची माहीती पालिका नगराध्यक्षांना दिली असता त्यांनी मायमोळे कब्रस्तान जवळ सदर कामाच्या ठिकाणी जाऊन कामाची पाहणी केली असता, या कामामुळे पावसाळ्यात मायमोळे भागात व इतर भागात पुरस्थिती उद्भवू नये म्हणून रेल्वेला या भागात रेल्वे विस्ताराचे काम थांबवण्याचे निर्देश देण्यात आले.

Mormugao News
Mahadayi Water Dispute: 'मानवी साखळी’साठी म्हादई प्रेमी एकवटले

आता पावसाळा जवळ आला असून हे काम चालू राहिल्यास या नात्यातून पाणी वाहून जाण्याची वाट बंद होणार व त्यामुळे मायमोळे भागातील लोकांना पावसाळ्यात पुरस्थितीचा सामना करावा लागेल.

लोकांच्या घरा दारात पाणी घुसेल व लोकांना याचा त्रास सहन करावा लागेल. पावसाळ्यात पूर येऊ नये म्हणून पालिकेने रेल्वेला मायमोळे तळ्याजवळ पुलाच्या विस्ताराचे काम थांबवण्याचे निर्देश दिले.

तसेच पावसाळ्यात मायमाेळे व इतर भागात पूर येऊ नये म्हणून पालिकेने रेल्वेला पावसाच्या पाण्याला योग्य मार्ग उपलब्ध करून देण्याचे निर्देशही देण्यात आले आहे. पाहणीवेळी नगराध्यक्ष लिओ रॉड्रीगीस, नगरसेवक गिरीष बोरकर उपस्थित होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com