Goa Mandovi, Zuari River Research: गोव्यातील दोना पावला येथे असलेली नॅशनल इन्स्टिट्यूट ऑफ ओशनोग्राफी ही संस्था मांडवी आणि झुआरी नद्यांमध्ये सोडण्यात येणाऱ्या पाण्याचा अभ्यास करणार आहे.
याच महिन्यात दोन टप्प्यात हा अभ्यास केला जाणार आहे. कॅप्टन ऑफ पोर्ट्स खात्यातर्फे ही माहिती देण्यात आली आहे.
(NIO to study discharge in Mandovi, Zuari rivers)
14 सप्टेंबर आणि 22 सप्टेंबर रोजी पणजीतील मत्स्य जेट्टीवर मांडवी नदीवर अभ्यास केला जाईल. झुआरी नदीवर मडगाव मार्गावरील बोरी पुलापासून 200 मीटर खाली भागात हा अभ्यास केला जाणार आहे.
15 सप्टेंबर आणि 23 सप्टेंबर रोजी केरी येथील तेरेखोल नदीवर तर 17 सप्टेंबर आणि 25 सप्टेंबर रोजी आरोंदा पुलाखाली 100 मीटरवर हा अभ्यास केला जाईल.
नदीत येणाऱ्या ताज्या पाण्याबाबतचा हा अभ्यास असणार आहे, त्यातून समुद्रात किती प्रमाणात नदीचे पाणी जात आहे, याबाबतही संशोधन करण्यात येणार असल्याचे समजते.
ज्या भागात हे संशोधन केले जाणार आहे त्या भागात या नद्यांवर चालणाऱ्या पर्यटक बोटी, क्रूझ बोटी इत्यादींसह, बार्जेस, प्रवासी लाँच, फेरीबोटी यांच्या मालकांना, चालकांना याबाबत खबरदारी घेण्यास सांगण्यात आले आहे.
सावधगिरी बाळगा, सावकाश जा आणि आवश्यकता असल्यास सुरक्षित अंतरावर थांबा, जेणेकरून या अभ्यासात कोणताही अडथळा येऊ नये, असे सांगण्यात आले आहे.
तसेच त्या ठिकाणी तैनात असलेल्या गस्तीनौकांनी ‘ऑन द स्पॉट’ दिलेल्या सूचनांचे काटेकोरपणे पालन करण्यासही सांगण्यात आले आहे. वरील सूचनांचे उल्लंघन केल्यास त्याची गांभीर्याने दखल घेतली जाईल, असे सरकारने म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
