'निरीक्षक नायक हे 'यांचे' एजंट, म्हणून महिला मोर्चेकऱ्यांवर घातला हात'

पोलिसांनी आम्हाला अडवून धक्काबुक्की केल्यानेच रस्त्यावर गोंधळ; विजय सरदेसाई
'निरीक्षक नायक हे 'यांचे' एजंट, म्हणून महिला मोर्चेकऱ्यांवर घातला हात'

Vijay Sardesai

Dainik Gomantak

आज गोवा फॉरवर्डचा मोर्चा पोलिस निरीक्षक कपिल नायक यांनी अडविल्यामुळे त्यांच्यात आणि विजय सरदेसाई यांच्यात बराच वेळ शाब्दीक वाद झाला. यावेळी सरदेसाई यांनी निरीक्षक नायक हे दामू नाईक यांचे एजंट असून त्यांनी महिला मोर्चेकऱ्यावर हात घातला, असा आरोप केला. हा आरोप नायक यांनी फेटाळून लावताना तुमच्या राजकारणासाठी (Politics) लोकांना वेठीस धरू नका असे बजावले. रस्ता अडवल्यामुळे कित्येक लोकांना त्रास झाला. त्यात एक गरोदर महिलाही अडकली. शेवटी वाहतुकीची कोंडी सोडवून तिला इस्पितळात नेण्यासाठी वाट करून दिली.

<div class="paragraphs"><p>Vijay Sardesai</p></div>
सार्वजनिक मालमत्तेचं विद्रूपीकरण, पाठपुराव्यामुळे कारवाई; योगेश केळकर

याविषयी विजय सरदेसाई (Vijay Sardesai) यांना विचारले असता, आमचा रस्ता अडवण्याचा कुठलाही कार्यक्रम नव्हता. आम्ही सार्वजनिक बांधकाम खात्याच्या कार्यालयात जात होतो. पोलिसांनी आम्हाला अडवून धक्काबुक्की केल्यानेच रस्त्यावर गोंधळ झाला व वाहतूक कोंडी झाली. याला पोलिसच जबाबदार आहेत. निरीक्षक नायक यांच्याविरुद्ध महिला आयोग आणि मानवाधिकार आयोगाकडे तक्रार करू. पोलिसांनी जी बेहिशेबी माया जमविली आहे त्याचाही आम्ही आता शोध घेण्यास सुरवात करू, असे सरदेसाई यांनी सांगितले. दरम्यान, पोलिस (police) निरीक्षक नायक यांनी रस्ता अडविल्याबद्दल कुणावरही गुन्हा नोंद केलेला नसल्याचे सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com