सुभाष वेलिंगकरांविरोधात हल्लाबोल; राष्ट्रवादीकडून वक्‍तव्‍याचा निषेध

राष्ट्रवादीकडून वक्‍तव्‍याचा निषेध: राजकीय नेते एकवटले
सुभाष वेलिंगकरांविरोधात हल्लाबोल; राष्ट्रवादीकडून वक्‍तव्‍याचा निषेध
NCPDainik Gomantak

पणजी: हिंदू रक्षा महाआघाडीच्‍या झेंड्याखाली गोवा सुरक्षा मंचचे निमंत्रक प्रा. सुभाष वेलिंगकर यांनी सेंट फ्रान्‍सिस झेवियर यांच्‍या विरोधात केलेल्‍या विधानाचे पडसाद राज्‍यभरातून उमटत असून या विरोधात राजकीय नेते एकवटले आहेत. राष्ट्रवादी काँग्रेस पक्षाने आज, शनिवारी प्रा. वेलिंगकर यांच्‍यावर जोरदार हल्लाबोल केला.

शेकडो वर्षांपासून गोव्‍यात हिंदू, ख्रिश्‍चन, मुस्‍लिम, इतर धर्माचे आणि समुदायाचे लोक गुण्यागोविंदाने राहात आहेत. सुभाष वेलिंगकरांनी सेंट फ्रान्‍सिस झेवियर यांच्‍या विरोधात विधान करून राज्‍यातील शांतता भंग करण्याचे काम केले आहे, अशा शब्दांत राष्ट्रवादीचे प्रदेशाध्यक्ष जुझे फिलीप डिसोझा यांनी टीका केली. येथील पक्षाच्‍या कार्यालयात घेतलेल्‍या पत्रकार परिषदेत ते बोलत होते. यावेळी पक्षाचे उपाध्यक्ष अविनाश भोसले, जेम्‍स रॉड्रिग्ज आणि अलॉयसिस डिसिल्‍वा उपस्‍थित होते.

 NCP
'का' अस्वस्थ झाले आहेत मुख्यमंत्री प्रमोद सावंत?

आपल्‍या धर्माविषयी आणि देवाविषयी सर्वांना श्रद्धा असते. आमच्‍या संतांविषयी कोणी काही बोललेले आम्‍ही खपवून घेणार नाही. प्रा. वेलिंगकर जे काही करत आहेत. बोलत आहेत, ते त्‍यांनी थांबवावे. अन्‍यथा राष्ट्रवादी काँग्रेसच नव्‍हे, तर गोमंतकीय नागरिकही गप्‍प बसणार नाहीत, असा इशाराही त्‍यांनी यावेळी दिला. यावेळी अविनाश भोसले यांनीही प्रा. वेलिंगकर यांच्‍या विधानाचा चांगलाच समाचार घेतला.

राज्‍यातील राजकीय नेत्‍यांनीही प्रा. वेलिंगकरांवर चोहोबाजूंनी घेरले आहे. पंचायतमंत्री माविन गुदिन्हो यांनी संतप्‍त भावना व्‍यक्‍त केल्‍या. गोव्‍यातील बंधूभाव टिकून आहे. कोणीही काहीही बोलले म्‍हणून गोमंतकीय एकोपा संपवणार नाही. यामुळे एखाद्याने काहीही बोलून सामाजिक दरी निर्माण करण्याचा कितीही प्रयत्न केला तरी तो यशस्‍वी होणार नाही, असे ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.