Guru Thakur
Guru Thakur Dainik Gomantak

Goa News: आपल्या मातृभाषेला कधीही दूर सारू नका- गुरू ठाकूर

साखळीतील मराठी साहित्‍य संमेलनात दिलखुलास मुलाखत

कला क्षेत्रात अनेक उत्तम संधी आहेत. उत्तम कलाकार होण्‍यासाठी चांगला श्रोता होण्‍याची गरज आहे. मातृभाषेतूनच आपण खऱ्या अर्थाने घडतो. म्‍हणून तिचा कधीही विसर पडता नये, असे प्रतिपादन प्रसिद्ध गीतकार गुरू ठाकूर यांनी केले.

गोवा मराठी अकादमीतर्फे साखळी येथे आयोजित चौथ्‍या राज्‍यस्‍तर मराठी साहित्‍य संमेलनात रविवारी गुरू ठाकूर यांची प्रकट मुलाखत घेण्‍यात आली.

पत्रकार परेश प्रभू, प्रा. पौर्णिमा केरकर यांनी त्‍यांच्‍याशी संवाद साधला. विविध प्रश्‍‍नांना दिलखुलास उत्तरे देत ठाकूर यांनी कवी, गीतकार असा प्रवास उलगडला.

ठाकूर म्‍हणाले, आपण मूळ मातीशी जोडले गेले पाहिजे. ती नाळ कधीही तुटता नये. कवीपेक्षा गीतकार ही ओळख मला अधिक भावते. कविता गाणं स्वरूपात अधिकाधिक दूर पोहोचविता येते.

पूर्वीच्‍या काळी आधी कविता होत असे, त्‍यावर गाणी बनायची; परंतु आता प्रथम चाल होते आणि त्‍यावर शब्‍द रचना करावी लागते. चालीवर गीत लिहिणे कठीण असते, तसेही ते म्‍हणाले.

गोव्‍याशी जुने नाते-

गोव्‍याशी आपले फार पूर्वीपासून नाते आहे. आपले काही नातेवाईक येथे असल्‍याने आपला नेहमीच गोव्याशी संबंध आला आहे. या भूमीत आल्‍यानंतर आत्‍मानंद लाभतो, असेही ठाकूर यांनी ‘गोमन्‍तक’च्‍या प्रतिनिधीशी बोलताना सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com