कॅबिनेट मंत्रिपदाचा दर्जा कधीच मागितला नव्हता : प्रतापसिंग राणे

सरकारकडून पत्र मिळाल्यावर विचार करणार असल्याचं राणेंचं स्पष्टीकरण
कॅबिनेट मंत्रिपदाचा दर्जा कधीच मागितला नव्हता : प्रतापसिंग राणे
Pratapsingh RaneDainik Gomantak 

पणजी : कॅबिनेट मंत्रिपदाच्या दर्जाची कधीच मागणी केली नव्हती, असं काँग्रेसचे ज्येष्ठ नेते आणि आमदार प्रतापसिंग राणे यांनी स्पष्ट केलं आहे. राज्य सरकारने जाहीर केलेल्या आजीवन कॅबिनेट मंत्रिपदाच्या दर्जावर पत्रकारांशी बोलताना प्रतापसिंग राणेंनी विविध मुद्यांवर भाष्य केलं आहे. गोवा सरकारने जरी कॅबिनेट दर्जा जाहीर केला असला तरी आपल्याला याबाबत काही माहिती नसल्याचंही त्यांनी सांगितलं.

Pratapsingh Rane
'सावंत सरकारची मानसिकताच भ्रष्ट बनली': कॉंग्रेस

आपल्याला जर आजीवन कॅबिनेट मंत्रिपदाचा दर्जा सरकारने जाहीर केला असेल, तरीही याबाबत सरकारकडून आपल्याला तशा प्रकारची माहिती दिली गेलेली नाही. त्यामुळे याबाबत जास्त बोलता येणार नाही. एकदा का याबाबत सरकारचं पत्र मिळालं की त्यावर माझी भूमिका ठरवेन असं प्रतापसिंग राणे म्हणाले आहेत. सरकारकडेच कशाला आपण कुणाकडेच आयुष्यात कसलंही पद मागितलं नसल्याचा दावा प्रतापसिंग राणेंनी (PratapSingh Rane) केला आहे.

Pratapsingh Rane
गोव्यात भाजपला पराभूत करण्यासाठी ममता कॉंग्रेसचा हात धरणार?

दरम्यान पर्ये मतदारसंघातून (Poriem Constituency) अजूनही लढण्यावर आपण ठाम असल्याचा प्रतापसिंग राणे यांनी पुनरुच्चार केला आहे. त्यामुळे प्रतापसिंग राणेंना आजीवन कॅबिनेट मंत्रिपद देऊन पर्ये मतदारसंघातून विश्वजीत राणेंना उमेदवारी देणाऱ्या भाजपची (BJP) गोची होण्याची दाट शक्यता आहे. अजूनही आपण निवडणुकीच्या रिंगणात असल्याचं प्रतापसिंग राणेंनी स्पष्ट केलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com