Goa Crime : मडगावात आज गुरुवारी सकाळी एक नवजात अर्भक उघड्यावर सापडल्याने खळबळ उडाली आहे. शिववडे मडगाव येथे आज सकाळी 9 च्या सुमारास उघड्यावर टाकून दिलेले नवजात अर्भक सापडले. हे अर्भक एक मुलगी असल्यानेच टाकल्याची माहिती प्राथमिक तपासातून निष्पन्न झाली आहे.
सदर अर्भक मुलगी असून प्रसूती झाल्यावर त्याची माता तिला तिथेच टाकून पळून गेली. मडगावातील सांडपाणी प्रक्रिया प्रकल्पाच्या जवळ झाडीत ते अर्भक होते. पोलिसांना याची माहिती मिळताच तातडीने त्यांनी घटनास्थळी धाव घेतली. पोलिसांनी पंचनामा केल्यानंतर त्याला जिल्हा इस्पितळात दाखल केले. सध्या या अर्भकाची प्रकृती सुदृढ असल्याचे सांगितले जात आहे. पोलीस आता या अर्भकाच्या मातेचा शोध घेत आहेत.
दुसरीकडे बाणसाय कुडचडे येथे बेकायदेशीर रेती व्यवसायातून एका कामगाराचा गोळी झाडून खून केल्याची खळबळजनक घटना घडली असून यात एक कामगार गंभीर जखमी झाला. त्याच्यावर गोमेकॉत उपचार सुरू असून एक कामगार या हल्ल्यातून सुदैवाने बचावला आहे.
सदर घटना काल मध्यरात्री सुमारे दीड वाजता घडली असल्याचे पोलीस अधिक्षक सेमी तावारीस यांनी सांगितले. रेती आणण्यासाठी होडी घेऊन जात असताना अज्ञात व्यक्तीने या कामगारांवर गोळी झाडली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
