सगळीकडे नववर्षोत्सवाचा आनंद; गुळेलीवासियांच्या जीवनात मात्र अंधार

सत्तरी तालुक्याला सहा महिन्यांपूर्वी महापुराचा जोरदार फटका बसला होता. यात गुळेलीतील अनेकांचे संसार उद्ध्वस्त झाले. अजूनही त्यांचे संसार आभाळाखालीच आहेत.
सगळीकडे नववर्षोत्सवाचा आनंद; गुळेलीवासियांच्या जीवनात मात्र अंधार

Guleli News

Dainik Gomantak 

पणजी (सारिका शिरोडकर) : चिरे आहेत; पण सिमेंट नाही. रेती आहे; पण खडी नाही. अशा स्थितीत घर बांधायचे तरी कसे? सरकारकडून काहीजणांना दोन लाख रुपयांची मदत मिळाली. मात्र, या दोन लाखांत घर बांधावे तरी कसे, या विवंचनेत सध्या गुळेलीतील (Guleli Flood) काही पूरग्रस्त आहेत. सत्तरी (Sattari) तालुक्याला सहा महिन्यांपूर्वी महापुराचा जोरदार फटका बसला होता. यात गुळेलीतील अनेकांचे संसार उद्ध्वस्त झाले. अजूनही त्यांचे संसार आभाळाखालीच आहेत.

<div class="paragraphs"><p>Guleli News</p></div>
गोव्याच्या विकासासाठी मुख्यमंत्र्यांचे कोल्हापूरच्या अंबाबाईकडे साकडं

‘गोमन्तक’ने शुक्रवारी गुळेली गावाचा खास दौरा केला. सगळीकडे नववर्षोत्सवाचा आनंद साजरा करण्याची धूम असताना गुळेलीवासियांच्या जीवनात मात्र अंधाराशिवाय काहीच नाही. आजही ते महापुराच्या आठवणींनी भेदरतात. महापुराच्या (Goa Flood) आठवणी सांगताना त्यांचे डोळे पाणावतात. नुकसान भरपाईच्या नावाखाली सरकारकडून मिळालेली तुटपुंजी मदत म्हणजे पूरग्रस्तांची क्रूर चेष्टाच आहे. अशा सर्वसामान्यांची आठवण मायबाप सरकारला कशी काय येत नाही, असा सवाल केला जात आहे.

<div class="paragraphs"><p>Guleli News</p></div>
मेळावलीतील आंदोलनापुढे सरकारही झुकले

काहींचा संसार शिशुवाटिकेत

गांजे येथील सरस्वती शिशुवाटिकेत काही महिलांनी गेल्या पाच महिन्यांपासून संसार थाटला आहे. महापुरात घर गेले. कपडेही वाहून गेले. सहा महिन्यांपासून आम्ही कष्टप्रद जीवन जगत आहोत. पण शिशुवाटिका सुरू झाल्यानंतर कुठे जायचे, हे आम्हाला ठाऊक नाही. सरकारच्या दोन लाखांमध्ये घर कसे बांधायचे, या विवंचनेत मी आहे, असे सोनिया गावकर यांनी ‘गोमन्तक’ला सांगितले.

<div class="paragraphs"><p>Guleli News</p></div>
आमदार विनोद पालयेकर भाजपमध्ये प्रवेश करण्याची शक्यता

भरपाईच्या नावाखाली बोळवण

पार्वती फडते म्हणाल्या, नुकसान भरपाई म्हणून सरकारने दोन लाख दिले. घर बांधण्यासाठी हे पुरसे नाही. त्यामुळे आम्ही घर बांधू शकलो नाही. काही जणांना केवळ सहा हजार रुपयेच मिळाले. मात्र या तोकड्या पैशांत घर होणार का, असा सवाल सायली गावकर यांनी केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com