New Zuari Bridge: आता तर हद्द झाली! गोव्यात नवीन झुआरी पूल बनलाय 'डंपिंग झोन'; सर्वत्र कचऱ्याच्या पिशव्या

लोकांनी चक्क नवीन झुआरी पुलावरच कचरा टाकायला सुरुवात केली आहे.
Garbage on New Zuari Bridge
Garbage on New Zuari BridgeDainik Gomantak

Garbage on New Zuari Bridge: अनेकदा लोकांच्या सवयींना बदलणे कधीच सोपे नसते. याचेच उत्तम उदाहरण म्हणजे जिथे कचरा टाकू नये असे सांगितलेले असते, तिथेच कचरा टाकताना लोक दिसतात. आता तर गोव्यात हद्द झाली आहे. लोकांनी चक्क नवीन झुआरी पुलावरच कचरा टाकायला सुरुवात केली आहे.

Garbage on New Zuari Bridge
Goa Petrol-Diesel Price: पेट्रोलच्या दरात किरकोळ घट; वाचा गोव्यातील आजचे इंधनाचे दर

काही दिवसांपूर्वी उद्घाटन झालेला नवीन झुआरी पूल हा आता कचरा डंपिंग बनल्याचे चित्र दिसून येत आहे. पुलावर कचऱ्याच्या अनेक पॉलिथिन पिशव्या टाकण्यात आल्या आहेत. कुठ्ठाळी जंक्शन ते वेर्णा या पुलाच्या भागावर खाण्यापिण्याच्या वस्तू आणि कचऱ्याने भरलेल्या प्लास्टिकच्या पॉलिथिन पिशव्या टाकण्यात आल्या आहेत.

गमतीचा भाग म्हणजे, PWD, पोलिस आणि पंचायत यासह विविध सरकारी विभागांना या समस्येबद्दल अद्याप काहीच माहिती नाही. एका खाजगी वृत्तसंस्थेशी बोलताना PWD चे सहाय्यक अभियंता व्हिन्सेंट डिसोझा म्हणाले की, "नवीन झुआरी पुलावर कचरा टाकल्याबद्दल मला माहिती नाही. मला समस्येची जाणीव करून देण्यात आली हे चांगले आहे. या प्रकरणाची चौकशी होईल याची मी खात्री करेन."

कुठ्ठाळी पंचायतीच्या सरपंच सेनिया परेरा यांना या सर्व प्रकाराबद्दल ऐकून आश्चर्य वाटले आणि त्यांनी पंचायत अंतर्गत येणाऱ्या पुलाच्या भागाची पाहणी करण्याचा निर्णय घेतला आहे. त्या म्हणाल्या की, "आम्ही याची तपासणी करून संबंधित दोषींना शोधण्याचा प्रयत्न करू."

परेरा यांनी वेर्णा पोलिसात तक्रार करण्याचा निर्णय घेतला आहे. taतसेच पुलावर सीसीटीव्ही कॅमेरे बसवावेत, अशी मागणीही त्यांनी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com