आपल्याच सहकाऱ्याचा खून करणाऱ्या निमा तमंग याला जन्मठेपेची शिक्षा

पैशांच्या हव्यासापोटी आपल्याच सहकाऱ्याचा खून करून त्याचे पैसे घेऊन पळून जाण्याचा प्रयत्न केल्याच्या आरोपाखाली दोषी ठरलेल्या निमा तमंग या नेपाळी वेटरला आज दक्षिण गोव्याचे अतिरिक्त सत्र न्यायाधीश व्हिन्सेंट डिसिल्वा यांनी जन्मठेपेची शिक्षा सुनावली.
Crime news
Crime newsDainik Gomantak

मडगाव : पैशांच्या हव्यासापोटी आपल्याच सहकाऱ्याचा खून करून त्याचे पैसे घेऊन पळून जाण्याचा प्रयत्न केल्याच्या आरोपाखाली दोषी ठरलेल्या निमा तमंग या नेपाळी वेटरला आज दक्षिण गोव्याचे अतिरिक्त सत्र न्यायाधीश व्हिन्सेंट डिसिल्वा यांनी जन्मठेपेची शिक्षा सुनावली.

Crime news
Goa Panchayat Election : मये-वायंगिणी पंचायतीत चुरस; 38 उमेदवार रिंगणात

या आरोपीवर आपला सहकारी रणजित सिंग (33) याचा खून केल्याचा आरोप होता. या आरोपीला खून केल्याबद्दल जन्मठेप आणि 50 हजार रुपये दंड (दंड न भरल्यास 1 वर्षाची अतिरिक्त साधी कैद) व चोरी केल्याबद्दल 5 वर्षाची सक्तमजुरी व 10 हजार रुपये दंड (दंड न भरल्यास सहा महिन्यांची अतिरिक्त साधी कैद) अशी शिक्षा ठोठावली. या प्रकरणी काणकोणचे तत्कालीन पोलीस निरीक्षक राजेंद्र प्रभुदेसाई यांनी तपास केला होता.

हा खून 12 फेब्रुवारी 2019 रोजी पाळोळे काणकोण येथे घडला होता. आरोपी आणि मयत हवाना कुबा नावाच्या शॅकवर काम करत होते. 12 फेब्रुवारीच्या मध्यरात्री जवळ झोपलेल्या सहकाऱ्याच्या डोक्यात दंडुक्याने वार करून त्याचे पैसे आणि दोन मोबाईल फोन घेऊन पळ काढला होता. पोलिसांनी त्याला नंतर काणकोण पोलीस स्थानकावर अटक केली असता त्याच्याकडे 11,310 रुपये रोख व रणजित सिंग नावावर नोंद झालेले दोन मोबाईल सापडले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com