कुर्टी-खांडेपार सरपंचांवरील अविश्वास ठराव अखेर संमत तर, आकेच्या उपसरपंचपदी नताशा डायस यांची निवड

सहा पंचसदस्यांनी आणलेला अविश्वास ठराव
Curti-Khandepar Panchayat And V. P. A Baixo
Curti-Khandepar Panchayat And V. P. A BaixoDainik Gomantak

कुर्टी-खांडेपारचे सरपंच नावेद तहसीलदार यांच्याविरोधात सहा पंचसदस्यांनी आणलेला अविश्वास ठराव अखेर संमत झाला.

कुर्टी पंचायत कार्यालयात सोमवारी बोलावलेल्या बैठकीला अविश्वास ठराव आणलेले उपसरपंच विल्मा परेरा, पंचसदस्य हरेश नाईक, मनीष नाईक, अभिजीत गावडे, संजना नाईक व साजिदा सय्यद यांची उपस्थिती होती.

Curti-Khandepar Panchayat And V. P. A Baixo
गोव्यात चांदीचा व्यवसाय करून करोडपती व्हायचे स्वप्न; नववीचे दोन विद्यार्थी शाळेतून पळाले, जोधपूरची रंजक घटना

तर, विरोधातील भिका केरकर व नीळकंठ नाईक हे दोनच पंचसदस्य हजर होते. त्यातील भिका केरकर यांनी अविश्वास ठराव आणलेल्या विल्मा परेरा गटाला समर्थन दिले तर नीळकंठ नाईक विरोधात राहिले. त्यामुळे या अविश्वास ठरावाचे चित्र 7 विरुद्ध 4 असे दिसले. दरम्यान, सरपंचांकडून पंचांना विश्वासात घेतले जात नसल्याचा आरोप ठराव आणलेल्‍या पंचांनी केला आहे. ही पंचायत मगो व काँग्रेस समर्थक गटाची होती. आता ती भाजप गटाची झाल्यात जमा आहे.

आके-बायश पंचायतीच्‍या नव्या उपसरपंच म्‍हणून आज नताशा डायस यांची बिनविरोध निवड करण्‍यात आली. पूर्वीच्‍या उपसरपंच अमिषा तिळवे यांच्‍या विरोधात अविश्र्वास ठराव आणला होता. आज झालेल्या निवडणुकीत डायस यांचा एकमेव उमेदवारी अर्ज आला.

डायस या सत्‍यविजय नाईक यांच्‍या पॅनेलमधून निवडून आल्‍या होत्या. या पदावर निवडून येण्‍यासाठी आपल्‍याला पाठिंबा दिल्‍याबद्दल त्‍यांनी आमदार उल्‍हास तुयेकर, जिल्‍हा पंचायत सदस्‍य परेश नाईक, सत्‍यविजय नाईक तसेच अन्‍य पंच सदस्‍यांचे आभार मानले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com