दवर्ली दिकरपाली पंचायत क्षेत्राखाली येणाऱ्या भगवती 99 या भागातील त्या वादग्रस्त घरांच्या मालकाशी या घरांच्या मालकीबद्दल कुठलीही कागदपत्रे नसल्याचे उघड झाले. त्या 166 घरापैकी पाच घरांची आज गुरुवारी पंचायतीकडून तपासणी करण्यात आली मात्र त्यापैकी एकाही घराचा मालक आपला अधिकार सांगणारी कागदपत्रे सादर करू शकला नाही.
आम्हाला राहुल वेर्लेकर यांनी येथे राहण्यास जागा दिली होती. आम्ही तिथे घरे उभारली अशी माहिती या लोकांनी दिली. तर या जमिनीचे आपण मालक असा दावा करणाऱ्या सुरेखा बांदोडकर यांनी आम्हाला काळोखात ठेऊन या जमिनीवर अतिक्रमण करून त्यावर घरे बांधली. सुरुवातीला आम्हाला सर्व्हे क्रमांक मिळण्यास उशीर झाला त्यामुळे हा प्रकार कळण्यास उशीर झाला, असा दावा केला आहे.
सरपंच हर्क्युलान नियासो यांनी यावेळी बोलताना, घरांना क्रमांक देणे आणि ही चौकशी याचा एकमेकाशी कसलाही संबंध नाही. आम्ही आलेल्या तक्रारीनुसार ही कारवाई केली आहे. मात्र ही घरे उभारल्यास 15 वर्षे उलटून गेली. या बाबत तक्रार करण्यास जमीन मालकाने एव्हढा उशीर का लागला हेच कळत नाही, असे ते म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
