मडगाव : दक्षिण गोवा जिल्हा इस्पितळाबाहेर रुग्णांना किंवा त्यांना भेटायला येणाऱ्या व्यक्तींना वाहने पार्क करुन ठेवल्‍यास पोलिस चलन देणार नाहीत. इस्पितळ कुंपणाच्‍या आत वाहने ठेवण्यासाठी पुरेशी जागा नाही याची आम्हाला जाणीव आहे. त्यामुळे आम्ही इस्पितळाबाहेर वाहने पार्क करणाऱ्यांना दंड न ठोठावण्‍याचा निर्णय यापूर्वीच घेतला असल्याचे वाहतूक पोलिस उपअधीक्षक धर्मेश आंगले यांनी सांगितले आहे.
दरम्यान, पार्किंग (Parking) समस्येवर गोवा राज्य साधनसुविधा विकास महामंडळाने तोडगा काढला आहे. महामंडळाचे सरव्यवस्थापक ज्युड कार्वाल्हो यांनी सांगितले की, वाहन ठेवण्यासाठी हॉस्पिटलमागील (Hospital) भागाचा उपयोग करण्यात येईल. त्यासाठी हॉस्पिटलच्या मागील कुंपणाचा दरवाजा खुला केला जाईल व वाहने ठेवण्यासाठी व्यवस्था केली जाईल.
हॉस्पिटलच्या या मागील भागाचा विकास केला जाईल आणि तिथे पेव्हर्स बसविले जातील, असेही कार्व्हालो यांनी सांगितले आहे. उपजिल्हाधिकारी रोशेल फर्नांडिस यांनी सार्वजनिक बांधकाम खात्याला ‘गोवा कॅन’ने दिलेल्या निवेदनाचा संदर्भ घेत जिल्हा इस्पितळाबाहेरली वाहतूक (Traffic) समस्येबद्दल योग्य निर्णय घेण्याच्या सूचना पत्रातून केल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
