सरकारी जागेत ‘टॉवर’ला ‘पंचायती’ची गरज नाही

नवे टेलिकॉम धोरण : सार्वजनिक बांधकाम खात्याचीच परवानगी पुरेशी
Mobile Tower
Mobile TowerDainik Gomantak

मडगाव : एकीकडे गोव्यात ग्रामपंचायत निवडणुकीची धामधुम सुरु झालेली आहे, तर दुसरीकडे सरकारने स्वीकारलेल्या नव्या टेलिकॉम धोरणानुसार सरकारी मालकीच्या जागेत मोबाईल टॉवर उभारण्यासाठी संबंधित पंचायतीच्या वा अन्य कोणाच्याच परवानगीची गरज भासणार नाही. केवळ सार्वजनिक बांधकाम खात्याची परवानगी लागेल.

साबांखा, शिक्षण खाते व गोवा क्रीडा प्राधिकरण यांच्या मालकीच्या जागेत उभारल्या जाणाऱ्या मनोऱ्यासाठी ही तरतूद आहे.

सरकारने हल्लीच या संदर्भात एक परिपत्रक जारी करून भाग शिक्षणाधिकारी तसेच गटविकास अधिकाऱ्यांना त्यांच्या कार्यक्षेत्रात सदर टेलिकॉम धोरण व किरणोत्सर्जन याबाबत लोकजागृती करण्यास सांगितले आहे.

दरम्यान, सासष्टीचे गटविकास अधिकारी अमितेश शिरवईकर यांनी सर्व पंचायत सचिवांना एक पत्र पाठवून मे महिन्यात सचिवालयात झालेल्या बैठकीतील इतिवृत्तानुसार कृती करण्यास सांगितले आहे. या बैठकीत गोवा टेलिकॉम धोरणाबाबत निर्णय झाला होता. राज्यात विविध ठिकाणी मोबाईल टॉवर उभारण्याला लोकांचा विरोध होत आहे.

Mobile Tower
Goa Accident : कार नाल्यात कोसळून भीषण अपघात; चौघांना वाचवलं

पंचायत निवडणुकीत उतरलेले अनेक उमेदवार या नव्या धोरणा टेलिकॉमबाबत जाणून चकीत झाले आहेत. चांदर पोलिस चौकीच्या आवारात पंचायतीची परवानगी न घेता सुरु झालेल्या अशा टॉवरच्या कामाबाबत विचारणा करण्यासाठी काही स्थानिक गेले तेव्या त्यांना टेलिकॉम धोरणाची माहिती मिळाली व त्यांना धक्काच बसला. दुसरीकडे वेळ्ळी मतदारसंघात असे चार टॉवर उभे रहात असून त्यातील एक आरियाल सरकारी शाळेच्या आवारात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com