''गणेश चतुर्थीच्या पार्श्वभूमीवर राज्यात कोरोना नियमावलीचे पालन आवश्यक''

कोविड लसीकरणास दोन दिवस सुट्टी; आरोग्य प्रशासनाने दिली माहिती
VACCINATION
VACCINATION Dainik Gomantak

राज्यात आज गणेश चतुर्थीच्या पार्श्वभूमीवर उत्साहाचे वातावरण आहे. राज्यभरात घरोघरी लाडक्या बाप्पाचे आगमन होत आहे. या पार्श्वभूमीवर राज्याच्या आरोग्य प्रशासनाने 31 ऑगस्ट आणि 1 सप्टेंबर, 2022 रोजी राज्यभरात कोरोना लसीकरणास सुट्टी असेल असे कळवले आहे. (NO VACCINATION FOR CHATURTHI FESTIVAL )

आरोग्य प्रशासनाने ही माहिती देताना गणेशोत्सवाच्या पार्श्वभूमीवर सर्वत्र आनंदाचे वातावरण आहे. तसेच गणेशोत्सव काळात सामूहिकरित्या एकत्र येण्याच्या शक्यता वाढतात त्यामूळे कोरोना नियमांचे पालन करण्याची विनंती ही राज्यातील जनतेला केली आहे.

गणेश चतुर्थीनिमित्त गोव्यात गर्दी होणार आहे. त्यामुळे सर्वांनी कोविड योग्य वर्तनाचे पालन करावे, अशी विनंती आहे. सामाजिक अंतर राखा, मास्क घाला आणि नियमित हात धुवा आणि स्वत:ला सुरक्षित ठेवा असं ही म्हटले आहे. तसेच 2 सप्टेंबर पासून लसीकरण नियमीत सुरु राहील असे ही म्हटले आहे.

मुख्यमंत्री प्रमोद सावंत यांनी राज्यातील जनतेला दिल्या गणेश चतुर्थीच्या शुभेच्छा

आज गणेश चतुर्थीच्या शुभ मुहूर्तावर गोव्यातील जनतेला हार्दिक शुभेच्छा असे म्हणत राज्याचे मुख्यमंत्री प्रमोद सावंत यांनी राज्यातील जनतेला गणेशोत्सवाच्या शुभेच्छा दिल्या. यावेळी आपण सर्वजण यंदाचा गणेशोत्सव पर्यावरणपूरकरित्या साजरा करुया आणि पर्यावरणाचं रक्षण करुया असे मुख्यमंत्र्यांनी म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com