OBC Reservation : ओबीसी आरक्षणाला आव्हान देणाऱ्या याचिकांवरील निकाल राखीव

पंचायत निवडणुकीच्या ओबीसी आरक्षणाला आव्हान दिलेल्या याचिका मुंबई उच्च न्यायालयाच्या गोवा खंडपीठाकडे आज दाखल करून घेतल्या आहेत. या याचिकांवरील अंतरिम निर्णय राखून ठेवण्यात आला आहे.
Goa Bench Of Bombay High Court | Goa Panchayat Election
Goa Bench Of Bombay High Court | Goa Panchayat ElectionDainik Gomantak

पणजी : पंचायत निवडणुकीच्या ओबीसी आरक्षणाला आव्हान दिलेल्या याचिका मुंबई उच्च न्यायालयाच्या गोवा खंडपीठाकडे आज दाखल करुन घेण्यात आल्या आहेत. कोर्टाने या सहा आव्हान याचिकांवरील अंतरिम निर्णय राखून ठेवला आहे. त्यामुळे गोवा पंचायत निवडणुकीत ओबीसी आरक्षणाचा संभ्रम कायम राहिला आहे.

गोवा खंडपीठात ओबीसी आरक्षणावर युक्तिवाद पूर्ण झाला असून कोर्टाने आपला निकाल राखून ठेवला आहे. लवकरच कोर्ट आपला निकाल देणार असून आज किंवा उद्या निकाल जाहीर होईल, असा अंदाज अॅडव्होकेट जनरल देवीदास पांगम यांनी व्यक्त केला आहे. राज्य सरकारकडून सुप्रीम कोर्टाच्या निर्देशांचं पालन करत ट्रिपल टेस्टनंतरच आरक्षण जाहीर केल्याचं कोर्टासमोर मांडल्याचं पांगम यांनी स्पष्ट केलं.

Goa Bench Of Bombay High Court | Goa Panchayat Election
Sonsodo : सोनसोडोवरील कचरा उचलण्यासाठी 10 दिवसांची मुदत

दरम्यान गोवा खंडपीठाने ओबीसी आरक्षणाविरोधात निर्णय दिल्यास ओबीसींना पुरेसा वेळ मिळणार नाही, असंही त्यांनी म्हटलं आहे. गोव्यात पंचायत निवडणुकीचा कार्यक्रम जाहीर झाला असून उमेदवारी अर्ज भरण्याची प्रक्रियाही सुरु झाली आहे. 25 जुलैपर्यंत अर्ज दाखल करण्याची मुदत असून कोर्टाने आरक्षणाविरोधात निर्णय दिल्यास त्याचा निवडणुकीच्या प्रक्रियेवर परिणाम होण्याची शक्यता आहे. त्यामुळे आपण कोर्टाला निवडणुकीच्या कार्यक्रमात हस्तक्षेप न करण्याची विनंती केली आहे, असंही अॅडव्होकेट जनरल देवीदास पांगम यांनी स्पष्ट केलं.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com