काणकोणात चित्रीकरणामुळे वाहतुकीला अडथळा

परवानगीचा गैरवापर: मडगावला प्रवास करणाऱ्यांचा खोळंबा
काणकोणात चित्रीकरणामुळे वाहतुकीला अडथळा
Traffic jam in MargaoDainik Gomantak

काणकोण: गोवा मनोरंजन सोसायटीने चित्रीकरणासाठी दिलेल्या परवानगीचा अर्जदाराकडून गैरवापर करण्यात आला आहे. या चित्रीकरणामुळे कारवार-मडगाव हमरस्त्यावरील मनोहर पर्रीकर बगल मार्गावरील वाहतुकीला अडथळा निर्माण झाला. त्यामुळे कामानिमित्त मडगावला प्रवास करणाऱ्या सरकारी कर्मचारी व अन्य प्रवाशांना त्रास सहन करावे लागले.

मिळालेल्या माहितीनुसार गोवा मनोरंजन सोसायटीने आज (13) सकाळी 7 ते रात्री 9 वाजेपर्यंत गालजीबाग-माशे रस्ता व पूल यावर चित्रीकरणासाठी पर्वरी येथील दिशा क्रिएशनचे दिलीप बोरकर यांना 38,600 शुल्क भरून काही अटींवर परवानगी दिली होती. त्यामध्ये काब द राम भूशीर, काब द राम गावचा रस्ता व वेळ्ळी रस्ता या भागाचा गुरुवार व शुक्रवारी सकाळी 7 ते 9 वाजेपर्यंत समावेश करण्यात आला होता.

Traffic jam in Margao
काणकोण पालिका भवनाचे बांधकाम सुरू

आज सकाळी मनोहर पर्रीकर बगल मार्गाच्या गालजीबाग पुलावर चित्रीकरण सुरू असताना मोठ्या प्रमाणात वाहतुकीची कोंडी होऊन वाहतूक ठप्प झाली. या चित्रीकरणासाठी परवानगी देताना गोवा मनोरंजन सोसायटीने संबंधित सर्व गावच्या पंचायतींना कळवले होते. मात्र गालजीबाग पुलाचा काही भाग लोलये पंचायत क्षेत्रात येत असूनही लोलये पंचायतीला कळवण्यात आले नाही, असे सरपंच सचिन नाईक यांनी सांगितले.

आज सकाळी मनोहर पर्रीकर बगलमार्गाच्या गालजीबाग पुलावर चित्रीकरण सुरू असताना मोठ्या प्रमाणात वाहतुकीची कोंडी होऊन वाहतूक ठप्प झाली. या चित्रीकरणासाठी परवानगी देताना गोवा मनोरंजन सोसायटीने संबंधित सर्व गावच्या पंचायतींना कळवले होते. मात्र गालजीबाग पुलाचा काही भाग लोलये पंचायत क्षेत्रात येत असूनही लोलये पंचायतीला कळवण्यात आले नाही.

- सचिन नाईक, सरपंच

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.