ओल्ड गोव्यातील वादग्रस्त बांधकाम प्रकरणाची सुनावणी 15 जूनपर्यंत तहकूब

सुनावणी होईपर्यंत बांधकामाचे काम जैसे थे ठेवण्याचे पंचायत संचालकांचे निर्देश
ओल्ड गोव्यातील वादग्रस्त बांधकाम प्रकरणाची सुनावणी 15 जूनपर्यंत तहकूब
Old Goa Panchayat Issue order for demolitionDainik Gomantak

पणजी : ओल्ड गोवा येथील जागतिक पुरातन क्षेत्राच्या आवारातील उभारण्यात आलेल्या वादग्रस्त बांधकामाविरोधात दाखल करण्यात आलेल्या तक्रारीवरील सुनावणी आज बुधवारी पंचायत संचालकांनी 15 जूनपर्यंत तहकूब केली. सुनावणी होईपर्यंत बांधकामाचे काम जैसे थे ठेवण्याचे निर्देश देण्यात आलेले आहेत. (Old Goa Illegal Construction)

Old Goa Panchayat Issue order for demolition
ओल्ड गोव्यातील सत्याग्रह 100 दिवसांनंतरही सुरुच

ओल्ड गोवा पंचायत क्षेत्रात पुरातन क्षेत्र असलेल्या तसेच सीआरझेड परवाना नसतानाही तेथे नव्याने बांधकाम करून एकमजली बंगल्याचे काम एका भाजपच्या राजकीय व्यक्तीने केले होते. त्याला स्थानिकांनी तसेच पर्यावरणप्रेमींनी विरोध करत तसेच आंदोलन आणि उपोषणे करून त्याची चौकशी करण्यास भाग पाडले होते. जुने गोवे पंचायतीनेही त्याला नव्या बांधकाम परवाना दिला नव्हता. जुने बांधकामाचे नुतनीकरण करण्यात येत असल्याच्या नावाखाली बांधकाम परवान्यासाठी अर्ज करण्यात आला होता. मात्र त्या ठिकाणी नवे बांधकाम उभारण्यात येत होते. या प्रकरणी पंचायत खात्यासमोर अनेक तक्रारी विविध पर्यावरणप्रेमी संस्थांकडून दाखल झाल्या आहेत. त्या सर्व पंचायत संचालकांकडे प्रलंबित आहे.

Old Goa Panchayat Issue order for demolition
ओल्ड गोव्यातील वादग्रस्त बंगला पाडण्याचे आदेश

ज्या ठिकाणी वादग्रस्त बांधकाम उभे राहत आहे ते ‘युनेस्को’च्या जागतिक पुरातन क्षेत्राच्या अखत्यारित येत असून तेथे नव्याने बांधकाम करण्यास पूर्ण बंदी आहे. मात्र सर्व नियम धुडकावून आणि परवाने नसतानाही हे बांधकाम सुरू होते. हे प्रकरण राज्यात गाजले तरीही राज्य सरकारने कोणतीच ठोस कारवाई केली नाही. सरकारी प्रक्रियेनुसार त्याची चौकशी करून योग्य तो निर्णय घेतला जाईल असे सांगून त्या बांधकामाबाबत अधिक मत व्यक्त करण्यास नकार दिला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.